٤١١٧: نبیہ نے ابان بن عثمان (رض) سے نقل کیا ہے وہ کہتے ہیں کہ ہمیں عثمان (رض) نے جناب نبی اکرم (صلی اللہ علیہ وآلہ وسلم) سے روایت کی ہے کہ محرم نہ نکاح کرے اور نہ نکاح کر کے دے۔ امام طحاوی (رح) فرماتے ہیں بعض علماء نے اس روایت کو اختیار کرتے ہوئے یہ کہا کہ محرم نہ نکاح کرسکتا ہے اور نہ کسی کا نکاح کر کے دے سکتا ہے ‘ اور نہ منگنی کا پیغام دے سکتا ہے۔ دیگر علماء نے ان سے اختلاف کرتے ہوئے کہا کہ محرم کے لیے یہ سب چیزیں جائز ہیں ‘ لیکن اگر محرم شادی کرے تو جب تک حلال نہ ہوجائے دخول نہ کرے اور انھوں نے مذکورہ روایات سے استدلال کیا ہے۔
حاصل روایات : ان روایات سے معلوم ہوتا ہے کہ محرم کو نکاح کرنا نکاح کر کے دینا اور پیغام نکاح سب ممنوع ہے۔
فریق ثانی کا مؤقف اور دلائل و جوابات :
محرم کو عقد نکاح اور نکاح کر کے دینے اور پیغام نکاح میں کوئی حرج نہیں ہے۔ دلائل یہ ہیں۔