٤١١٩: مجاہد وعطاء نے ابن عباس (رض) سے روایت کی ہے کہ جناب رسول اللہ (صلی اللہ علیہ وآلہ وسلم) نے میمونہ (رض) سے نکاح کیا اور اس وقت آپ حالت احرام میں تھے پھر آپ (صلی اللہ علیہ وآلہ وسلم) نے مکہ میں تین روز قیام فرمایا اور وہیں آپ کے پاس حویطب بن عبدالعزیٰ قریش کا ایک وفد لے کر تیسرے دن حاضر ہوا تو وہ کہنے لگے آپ کا وقت ختم ہوگیا آپ یہاں سے نکل جائیں۔ آپ (صلی اللہ علیہ وآلہ وسلم) نے فرمایا تمہارا کچھ نقصان نہ تھا اگر تم مجھے اپنے درمیان چھوڑتے تو ہم تمہارے لیے کھانا تیار کرتے اور تم اس میں شرکت کرتے وہ کہنے لگا ہمیں تمہارے کھانے کی چنداں حاجت نہیں بس تم یہاں سے نکل جاؤ۔
پس اللہ کے نبی (صلی اللہ علیہ وآلہ وسلم) میمونہ (رض) کے ساتھ نکلے یہاں تک کہ مقام سرف میں ان کے ساتھ شب زفاف گزاری۔