٤١٤٠: حضرت نافع (رح) نے عبداللہ بن عمر (رض) سے روایت نقل کی ہے کہ جناب رسول اللہ (صلی اللہ علیہ وآلہ وسلم) نے ارشاد فرمایا کہ کوئی مسلمان دوسرے مسلمان بھائی کے سودے پر نہ تو سودا کرے اور نہ ہی اس کی منگنی کے پیغام پر پیغام دے۔
تخریج : بخاری فی النکاح باب ٤٥‘ والبیوع باب ٥٨‘ واشروط باب ٨‘ مسلم فی البیوع ٨‘ فی النکاح ٣٨؍٤٩‘ ابو داؤد فی النکاح باب ١٧‘ ترمذی فی النکاح باب ٣٨‘ نسائی فی البیوع باب ١٩‘ ابن ماجہ فی النکاح باب ١٠‘ دارمی فی النکاح باب ٧‘ مالک فی النکاح باب ١‘ ٢‘ مسند احمد ٢؍١٢٢‘ ٤٦٢‘ ٤٨٧‘ ٥٥٨‘ ٥؍١١۔
خلاصہ الزام : علماء کی اس سلسلہ میں دو آراء ہیں :
نمبر 1: کسی مسلمان کی منگنی پر منگنی کا پیغام مطلقاً ممنوع ہے جس کی دلیل حضرت ابن عمر ‘ عقبہ بن عامر (رض) کی روایات ہیں اس کو ظاہریہ نے اختیار کیا۔
نمبر 2: ائمہ احناف اور تمام دیگر ائمہ کے ہاں منگنی کے پیغام پر پیغام درست ہے بشرطیکہ ادھر مکمل جھکاؤ نہ ہو۔ ان کی مستدل ٤١٥٥ تا آخر روایات ہیں۔