٤١٦ : ابن شہاب نے ابوبکر بن محمد سے ‘ اس نے عروہ سے انھوں نے بسرہ (رض) سے روایت کی ہے کہ میں نے جناب رسول اللہ (صلی اللہ علیہ وآلہ وسلم) کو فرماتے سنا جس نے اپنی شرمگاہ کو چھو لیا وہ وضو کرے۔ اعتراض ٢: یہ روایت ہشام نے اپنے والد عروہ کے واسطہ سے بیان کی ہے جو کہ ثقہ راوی ہے۔ روایت یہ ہے : حماد بن سلمہ نے ہشام سے ‘ انھوں نے عروہ سے بیان کیا کہ مجھ سے مروان نے شرمگاہ کو چھو لینے کا مسئلہ پوچھا تو میں نے کہا اس میں وضو نہیں تو مروان نے کہا اس میں وضو لازم ہے۔ پھر ابوبکر کی سند والی روایت جو شروع باب میں حسین بن مہدی کے حوالہ سے گزری ذکر کی۔