٤١٨٥: حمانی نے شریک سے معقل کے بھتیجہ نے معقل بن یسار سے روایت نقل کی ہے کہ ان کی بہن ایک شخص کے نکاح میں تھیں اس نے اس کو طلاق دی (پھر عدت کے اندر) رجوع کا ارادہ کیا معقل نے انکار کردیا تو یہ آیت نازل ہوئی۔ ” فلا تعضلوہن ان ینکحن ازواجہن اذا تراضوا بینہم بالمعروف “ اللہ تعالیٰ نے اس آیت میں ولی کو حکم فرمایا کہ وہ ان عورتوں کو نکاح سے نہ روکیں تو اس سے یہ بات خود ثابت ہوگئی کہ دوسرا عقد کا ولی وہی ہے جس نے پہلا نکاح کر کے دیا۔ اس آیت میں دو احتمال ہیں۔ نمبر 1: وہی احتمال ہے جس کا تذکرہ فریق اوّل نے کیا ہے۔ نمبر 2: دوسرا احتمال یہ ہے کہ معقل کا روکنا اس بات سے تھا کہ انھوں نے اس کے رجوع کرنے سے بےرغبتی اختیار کی تو اللہ تعالیٰ کی طرف سے حکم ہوا کہ وہ اس بےتوجہی کو چھوڑ دیں بلکہ اس میں دلچسپی لے کر اس کا نکاح کردیں۔
حاصل کلام یہ ہے اس روایت میں فریق اوّل کے لیے کوئی دلیل میسر نہیں ہوسکتی تو اب ہم دیگر روایات پر نگاہ ڈالتے ہیں جو اس باب میں کسی بات کے فیصلہ پر دلالت کرنے والی ہوں کہ کیا ہے ؟
مندرجہ ذیل روایات ملاحظہ ہوں :