٤١٩: یحییٰ بن صالح نے ابن ابی الزناد سے اور انھوں نے ہشام سے اور ہشام نے اپنے والد سے اور عروہ نے مروان سے اور مروان نے بسرہ (رض) سے بسرہ (رض) نے جناب نبی اکرم (صلی اللہ علیہ وآلہ وسلم) سے اسی جیسی روایت نقل کی ہے۔
حاصل روایات :
ان روایات نے ہشام سے سند کو ثابت کر کے سند کی کمزوری دور کردی ہے۔
الجواب : ہشام کی جو روایت پیش کی گئی وہ بھی تدلیس سے خالی نہیں ہشام نے اپنے والد سے تو سنا نہیں بلکہ ابوبکر بن محمد سے سنا جن کا ضعف ظاہر ہے ہشام نے اپنے استاد کی کمزوری کی وجہ سے عروہ کا ذکر کر کے تدلیس کردی پس یہ روایت بھی معتبر نہ رہی سابقہ کے درجے میں چلی گئی جیسا کہ یہ روایت ثابت کر رہی ہے ملاحظہ ہو۔