٤٢٦٥: ابوالوداک نے ابو سعید خدری (رض) سے روایت کی ہے جب جناب رسول اللہ (صلی اللہ علیہ وآلہ وسلم) نے خیبر فتح کرلیا تو ہمیں کچھ قیدی عورتیں حاصل ہوئیں ہم ان سے وطی کرتے ہوئے عزل کرتے تھے ہم نے ایک دوسرے سے کہا کہ تم ایسا کرتے ہو حالانکہ جناب رسول اللہ (صلی اللہ علیہ وآلہ وسلم) تمہارے پاس موجود ہیں تم جناب رسول اللہ (صلی اللہ علیہ وآلہ وسلم) سے اس سلسلہ میں کیوں نہیں پوچھ لیتے۔ ابو سعید کہتے ہیں کہ انھوں نے دریافت کیا تو آپ (صلی اللہ علیہ وآلہ وسلم) نے فرمایا ہر پانی سے بچہ پیدا نہیں ہوتا بیشک اللہ تعالیٰ جب کسی چیز کو پیدا کرنا چاہتا ہے تو اسے کوئی چیز روک نہیں سکتی فلہذا اگر تم عزل نہ بھی کرو تو مضائقہ نہیں۔
تخریج : بخاری فی النکاح باب ٩٦‘ مسلم فی الطلاق ١٧‘ مسند احمد ٣؍٦٣‘ ٨٣۔