٤٢٧٠: ابن محیریز جمحی کہتے ہیں کہ ابو سعید خدری (رض) نے بتلایا کہ میں جناب نبی اکرم (صلی اللہ علیہ وآلہ وسلم) کی خدمت میں بیٹھا تھا اسی اثنا میں آپ کے پاس ایک انصاری آدمی آیا اور اس نے کہا یارسول اللہ (صلی اللہ علیہ وآلہ وسلم) ہم نے قیدی پائے ہیں ہمیں ان کی قیمتیں پسند ہیں پس آپ عزل کے متعلق کیا حکم فرماتے ہیں ؟ جناب نبی اکرم (صلی اللہ علیہ وآلہ وسلم) نے فرمایا کیا تم ایسا کرنا چاہتے ہو ؟ اگر تم ایسا نہ بھی کرو تو بھی کوئی گناہ نہیں کیونکہ جس جان کا پیدا ہونا لکھا جا چکا ہے وہ ضرور نکلے گی۔
تخریج : بخاری فی القدر باب ٤‘ مسند احمد ٣؍٨٨۔