٤٢٨٢: ابوالزبیر نے جابر (رض) سے روایت کی کہ ہم جناب رسول اللہ (صلی اللہ علیہ وآلہ وسلم) کے زمانہ میں عزل کرتے تھے اور آپ (صلی اللہ علیہ وآلہ وسلم) ہمیں منع نہ فرماتے تھے۔ پس جب عزل کی کراہت والی وجہ نہ رہی کہ اس کے زندہ درگور ہونے کا ثبوت میسر ہو بلکہ جناب رسول اللہ (صلی اللہ علیہ وآلہ وسلم) سے اباحت کی روایات پایہ ثبوت کو پہنچیں تو اس سے ثابت ہوا کہ مذکورہ شرائط کے مطابق جو ہم ذکر کر آئے عزل میں حرج نہیں۔ ان شرائط کا تذکرہ ہم نے باب کی ابتداء میں کردیا۔ امام ابوحنیفہ ‘ ابو یوسف ‘ محمد (رح) کا یہی قول ہے۔