٤٢٩٤: ثابت نے انس (رض) سے نقل کیا کہ یہود حائضہ عورتوں کے نہ تو گھروں میں بیٹھتے نہ ان کے ساتھ کھاتے پیتے تھے اس بات کا تذکرہ جناب نبی اکرم (صلی اللہ علیہ وآلہ وسلم) کی خدمت میں ہوا تو اللہ تعالیٰ نے یہ آیت اتاری : یسئلونک عن المحیض قل ہوا ذی فاعتزلوا النساء فی المحیض (البقرہ : ٢٢٢) تو جناب رسول اللہ (صلی اللہ علیہ وآلہ وسلم) نے فرمایا جماع کے علاوہ اس کے ساتھ سب معاملات کرسکتے ہو۔ اس روایت سے یہ بات ثابت ہوتی ہے حائضہ کے ساتھ میاں بیوی والی سب باتیں جماع کے علاوہ درست ہیں اور جماع سے مراد حقیقی جماع ہے اور حضرت عائشہ (رض) سے بعینہٖ یہ قول مروی ہے۔
تخریج : ابو داؤد فی النکاح باب ٤٦‘ ابن ماجہ فی الطہارۃ باب ١٢٥۔