٤٣٠٤: محمد بن منکدر نے جابر بن عبداللہ (رض) سے روایت نقل کی ہے کہ یہود مسلمانوں کو کہنے لگے جو اپنی بیوی کو الٹا لٹا کر جماع کرے اس کی اولاد بھینگی ہوگی۔ تو اللہ تعالیٰ نے یہ آیت اتاری نساؤکم حرث لکم فاتوا حرثکم انی شئتم (البقرہ ٢٢٣) پس جناب رسول اللہ (صلی اللہ علیہ وآلہ وسلم) نے فرمایا۔ سیدھا لٹا کے یا الٹا کر بیوی سے جماع درست ہے۔ ان تمام روایات میں جناب رسول اللہ (صلی اللہ علیہ وآلہ وسلم) نے جماع کو قبل یعنی فرج سے خاص کیا تاکہ معلوم ہوجائے کہ پائخانہ والی جگہ کا استعمال درست نہیں۔ اس آیت کی تفسیر میں اور اقاویل بھی پائے جاتے ہیں۔ جیسا کہ اگلی روایات میں مذکور ہے۔
تخریج : دارمی فی الوضو باب ١١٣‘ والنکاح باب ٣٠۔
لغات : ان تمام روایات میں جناب رسول اللہ (صلی اللہ علیہ وآلہ وسلم) نے جماع کو قبل یعنی فرج سے خاص کیا تاکہ معلوم ہوجائے کہ پائخانہ والی جگہ کا استعمال درست نہیں۔ اس آیت کی تفسیر میں اور بھی اقوال ہیں۔ چنانچہ درج ذیل روایات ملاحظہ ہوں :