٤٣١١: ابوالنضر بیان کرتے ہیں کہ میں نے نافع مولیٰ عبداللہ بن عمر (رض) کو کہا تیری طرف نسبت کر کے بہت سے لوگ بیان کرتے ہیں کہ تم ابن عمر (رض) سے یہ روایت بیان کرتے ہو کہ ابن عمر (رض) نے فتویٰ دیا کہ عورتوں کے ساتھ دبر میں جماع ہوسکتا ہے تو نافع کہنے لگے جن لوگوں نے میری طرف نسبت کی انھوں نے مجھ پر جھوٹ بولا مگر میں تمہیں اصل بات کی خبر دیتا ہوں ابن عمر (رض) کے سامنے ایک دن مصحف پیش کیا گیا وہ تلاوت کر رہے تھے۔ یہاں تک کہ اس آیت پر پہنچے : { نِسَآؤُکُمْ حَرْثٌ لَّکُمْص فَاْتُوْا حَرْثَکُمْ اَنّٰی شِئْتُمْ چ وَقَدِّمُوْا لِاَنْفُسِکُمْ ١ وَاتَّقُوا اللّٰہَ وَاعْلَمُوْٓا اَنَّکُمْ مُّلٰقُوْہُ ١ وَبَشِّرِ الْمُؤْمِنِیْنَ }(البقرہ : ٢٢٣) پھر کہنے لگے اے نافع ! کیا تمہیں اس آیت کا شان نزول معلوم ہے ؟ میں نے نفی میں جواب دیا تو فرمانے لگے ہم قریشی لوگ عورتوں کو اوندھا کر کے ان سے جماع کرتے تھے جب ہم مدینہ منورہ میں داخل ہوئے تو ہم (میں سے بعض) نے انصاری عورتوں سے نکاح کیا ہم نے ان سے اسی طرح جماع کرنے کا ارادہ کیا جس طرح ہم اپنی قریشی عورتوں سے کرتے تھے۔ انھوں نے اس کو ناپسند کیا اور بہت بڑا گناہ خیال کیا۔ انصار کی عورتیں یہود کی حالت کو اپنانے والی تھیں ان سے پہلو کے بل لٹا کر جماع کیا جاتا تھا۔ (اسی کو انھوں نے لازم سمجھا) تو اللہ تعالیٰ نے یہ آیت نازل فرما دی : نساؤکم حرث لکم فاتوا حرثکم انی شئتم (البقرہ : ٢٢٣) اس روایت سے نافع (رح) کا انکار صاف طور پر ابن عمر (رض) سے مروی ہے اور آیت نساؤکم حرث لکم الایہ کی تفسیر حقیقی بھی بتلائی کہ فریق اوّل کی تاویل درست نہیں بلکہ اس کا مطلب یہ ہے کہ ان کو گھٹنوں کے بل بٹھا کر شرمگاہوں میں ان سے وطی درست ہے اور مباح ہے۔ امام طحاوی (رح) کا قول : اس روایت اور مفہوم کی تائید امّ سلمہ (رض) کی روایت سے بھی ہوتی ہے۔ روایت امّ سلمہ (رض) یہ ہے
اس روایت سے نافع (رح) کا انکار صاف طور پر ابن عمر (رض) سے مروی ہے اور آیت نساؤکم حرث لکم الایہ کی تفسیر حقیقی بھی بتلائی کہ فریق اوّل کی تاویل درست نہیں بلکہ اس کا مطلب یہ ہے کہ ان کو گھٹنوں کے بل بٹھا کر ان کی آگے کی شرمگاہوں میں وطی کرنا درست ہے ۔
امام طحاوی (رح) کا قول : اس روایت اور مفہوم کی تائید امّ سلمہ (رض) کی روایت سے بھی ہوتی ہے۔ روایت امّ سلمہ (رض) یہ ہے۔