٤٣١٦: محمد بن علی نے نقل کیا کہ میں محمد بن کعب قرطی کے ساتھ تھا کہ ان سے ایک آدمی نے سوال کیا۔ اے ابوحمزہ ! عورتوں کے ساتھ دبر میں وطی کا کیا حکم ہے تو انھوں نے اس سے منہ موڑ لیا یا سکوت اختیار کیا پھر کہنے لگے یہ قریش کے شیخ ہیں ان سے دریافت کرو یعنی عبداللہ بن علی بن سائب سے تو عبداللہ کہنے لگے اگر یہ حلال بھی ہوتا تب بھی گندگی تھی حرمی کہنے لگے انھوں نے اس سلسلہ میں کوئی چیز نہیں سنی تھی تو انھوں نے کہا۔ پھر مجھے عبداللہ بن علی نے بتلایا کہ میں عمرو بن ابی احیحہ بن جلاح سے ملا اور ان سے اس سلسلہ میں سوال کیا تو وہ کہنے لگے میں گواہی دیتا ہوں کہ میں نے ان خزیمہ بن ثابت انصاری سے سنا ہے جن کی گواہی کو جناب رسول اللہ (صلی اللہ علیہ وآلہ وسلم) نے دو آدمیوں کے برابر قرار دیا وہ فرماتے تھے کہ جناب رسول اللہ (صلی اللہ علیہ وآلہ وسلم) کی خدمت میں ایک آدمی آیا اور کہنے لگا یارسول اللہ (صلی اللہ علیہ وآلہ وسلم) ! کیا میں اپنی عورت کے ساتھ دبر کی طرف سے وطی کرسکتا ہوں ؟ آپ نے فرمایا ہاں۔ یہ نعم کا کلمہ دو یا تین مرتبہ فرمایا۔ خزیمہ کہتے ہیں پھر جناب رسول اللہ (صلی اللہ علیہ وآلہ وسلم) اس کے سوال کا مطلب بھانپ گئے تو آپ (صلی اللہ علیہ وآلہ وسلم) نے فرمایا تم دونوں سوراخوں میں سے کس سوراخ کی بات کرتے ہو اگر پشت کی طرف سے جا کر فرج میں جماع کرو تو یہ درست ہے اور اگر پشت سے دبر میں جماع کرو تو اللہ تعالیٰ نے اس سے منع فرمایا کہ تم اپنی عورتوں سے لواطت کرو۔ (جب حلال بیوی سے لواطت حرام ہے تو مرد سے تو پہلے ہی حرام ہے۔ فلیحذر)