٤٣٣٩: اسماء بنت یزید بن سکن انصاریہ (رض) کہتی ہیں کہ میں نے جناب رسول اللہ (صلی اللہ علیہ وآلہ وسلم) کو فرماتے سنا اپنی اولاد کو خفیہ قتل مت کرو۔ حالت حمل میں دودھ پلانے کا قتل شہسوار کو گھوڑے کی پشت پر بھی آ لیتا ہے اور اس کو گھوڑے سے گرا دیتا ہے۔ امام طحاوی (رح) نے فرمایا کہ بعض لوگوں کا خیال یہ ہے کہ حاملہ بیوی یا لونڈی سے جماع مکروہ ہے انھوں نے مندرجہ بالا روایت سے استدلال کیا ہے اور انھوں نے اس روایت کو دلیل بنایا۔
تخریج : سابقہ تخریج ملاحظہ ہو۔
روایت کا مطلب یہ ہے کہ حالت حمل میں دودھ مضر اثرات پیدا کرتا ہے۔ جو جوانی کی نشو و نما پر اثر انداز ہوتا ہے۔
امام جعفر کا قول : بعض لوگوں کا خیال یہ ہے کہ حاملہ بیوی یا لونڈی سے جماع مکروہ ہے انھوں نے مندرجہ بالا روایت سے استدلال کیا ہے۔