٤٣٤٦: عروہ نے عائشہ (رض) سے انھوں نے جدامہ (رض) سے انھوں نے جناب نبی اکرم (صلی اللہ علیہ وآلہ وسلم) سے اسی طرح کی روایت نقل کی ہے۔ اس روایت میں جناب رسول اللہ (صلی اللہ علیہ وآلہ وسلم) نے حالت حمل میں جماع منع کرنے کا ارادہ فرمایا یہاں تک کہ آپ کو یہ بات پہنچی یا آپ نے غور فرمایا فارس و روم ایسی حالت میں جماع کرتے ہیں مگر یہ چیز ان کی اولاد کے لیے باعث ضرر نہیں (تو ہمیں کیوں باعث ضرر ہوگا) پہلی روایت میں جس چیز سے ڈرایا گیا اس روایت سے اس کی اباحت ثابت ہو رہی ہے اور احتمال پیدا ہوا کہ دو میں سے ایک چیز دوسری کے لیے ناسخ ہو۔ پس ہم نے غور کیا۔
حاصل روایات : اس روایت میں جناب رسول اللہ (صلی اللہ علیہ وآلہ وسلم) نے حالت حمل میں جماع سے منع کرنے کا ارادہ فرمایا یہاں تک آپ کو یہ بات پہنچی یا آپ نے غور فرمایا کہ فارس و روم ایسی حالت میں جماع کرتے ہیں مگر یہ چیز ان کی اولاد کے لیے باعث ضرر نہیں (تو ہمیں کیوں باعث ضرر ہوگا) پہلی روایت میں جس چیز سے ڈرایا گیا اس روایت سے اس کی اباحت ثابت ہو رہی ہے۔
اب کسی فیصلہ پر پہنچنے کے لیے ایک کا ناسخ اور دوسرے کا منسوخ ہونا معلوم کرنا ضروری ہے چنانچہ مندرجہ ذیل روایات اس سلسلہ میں ملاحظہ ہوں۔