٤٣٤٨: موسیٰ بن طلحہ نے اپنے والد سے نقل کیا کہ وہ فرماتے تھے میرا گزر عبیداللہ کی معیت میں مدینہ منورہ کے باغات نخل میں سے کسی کے پاس سے ہوا۔ لوگ کھجوروں پر چڑھ کر ان کی تابیر کر رہے تھے تو جناب رسول اللہ (صلی اللہ علیہ وآلہ وسلم) نے فرمایا یہ لوگ کیا کر رہے ہیں ؟ آپ سے عرض کیا گیا یہ نر کھجور سے مادہ کی پیوند کاری کر رہے ہیں۔ آپ نے فرمایا میرے خیال میں تو یہ کچھ بھی فائدہ مند نہیں ہے جب ان صحابہ کرام کو یہ بات پہنچی تو انھوں نے اس کام کو چھوڑ دیا اور اس سے ہاتھ کھینچ لیا آپ (صلی اللہ علیہ وآلہ وسلم) کو یہ بات پہنچی تو آپ نے فرمایا وہ تو میرا ایک گمان تھا جو میں نے کیا اور گمان درست و نادرست دونوں طرح ہوتا ہے۔ اگر اس سے کچھ فائدہ ہے تو انھیں کرنا چاہیے۔ بلاشبہ میں تمہاری طرح ایک انسان ہوں وہ میرا گمان ہے جو میں نے کیا گمان دونوں طرح ہوتا ہے میں نے یہ تو نہیں کہا تھا کہ یہ اللہ تعالیٰ کی طرف سے ہے اس لیے کہ میں اللہ تعالیٰ کی طرف ہرگز جھوٹی نسبت نہیں کرسکتا۔
تخریج : مسلم فی الفضائل روایت ١٤١‘ مسند احمد ٣؍١٥٢۔