٤٣٨٩: معاویہ بن ابی عیاش انصاری نے بتایا کہ میں عبداللہ بن زبیر (رض) کے پاس بیٹھا تھا اور عاصم بن عمر بھی وہاں موجود تھے کہ اچانک محمد بن ایاس بن بکیر آ کر کہنے لگا کہ ایک دیہاتی نے اپنی بیوی کو تین طلاق دی ہیں اور اس بیوی سے ابھی اس نے جماع بھی نہیں کیا تم دونوں اس سلسلہ میں کیا فرماتے ہو ؟ ابن زبیر کہنے لگے ہم اس بارے میں کچھ نہیں کہہ سکتے تم عبداللہ بن عباس (رض) اور ابوہریرہ (رض) کے پاس جاؤ اور ان سے دریافت کر کے پھر ہمارے پاس آ کر ہمیں بتلاؤ۔ وہ ابوہریرہ (رض) و ابن عباس (رض) کی خدمت میں گیا تو ابن عباس (رض) نے ابوہریرہ (رض) کو فرمایا۔ اس کو بتلاؤ تمہارے پاس مشکل مسئلہ آیا ہے۔ ابوہریرہ (رض) کہنے لگے ایک طلاق تو اس کو بائنہ کر دے گی اور تین حرام کردیں گی جب تک کہ وہ دوسرے خاوند سے نکاح نہ کرے۔