٤٤٢٦: ابو سلمہ نے فاطمہ بنت قیس سے روایت نقل کی ہے کہ وہ ایک ابو عمرو نامی مخزومی کی بیوی تھیں اس نے طلاق بائنہ دے دی فاطمہ نے اس کے اقارب کو پیغام دیا کہ وہ عدت کا خرچہ ادا کریں انھوں نے جواب دیا تمہارا ذرہ بھر خرچہ ہمارے ذمہ نہیں۔ یہ بات جناب رسول اللہ (صلی اللہ علیہ وآلہ وسلم) کو پہنچی تو آپ نے فرمایا۔ تمہارا ان کے ذمہ کوئی خرچہ نہیں البتہ عدت لازم ہے اس کے لیے ام شریک کے مکان پر منتقل ہوجاؤ۔ پھر آپ نے فرمایا ام شریک کے ہاں تو اس کے مہاجر بھائی آتے جاتے ہیں پس تم ابن ام مکتوم (رض) کے ہاں منتقل ہوجاؤ۔
تخریج : نسائی فی النکاح باب ٨‘ ٩‘ دارمی فی النکاح باب ٧‘ مسند احمد ٦؍٤١٣‘ ٤١٤۔