٤٤٣١: عبیداللہ بن عبداللہ بن عتبہ نے فاطمہ بنت قیس (رض) سے اور انھوں نے جناب رسول اللہ (صلی اللہ علیہ وآلہ وسلم) سے اسی طرح کی روایت نقل کی ہے۔ امام طحاوی (رح) فرماتے ہیں : بعض علماء نے ان آثار سے استدلال کرتے ہوئے اس عورت کے متعلق جس کو طلاق بائنہ مل جائے یہ کہا کہ اس کو سکنیٰ اور نفقہ نہ ملے گا وہ صرف طلاق رجعی والی عورت کو دیا جائے گا۔ دوسروں نے کہا کہ ہر مطلقہ کو سکنیٰ دیا جائے گا اور یہ اختتام عدت تک ہوگا خواہ طلاق بائن ہو یا رجعی۔ البتہ نفقہ اس عورت کو ملے گا جو طلاق رجعی والی ہے جب بائن ہوگی تو اس میں اختلاف ہے بعض نفقہ کے قائل ہیں خواہ وہ حاملہ ہو یا غیر حاملہ۔ جن علماء کا یہ قول ہے ان میں ابوحنیفہ ‘ ابو یوسف ‘ محمد (رح) اجمعین شامل ہیں۔ بعض نے کہا صرف حاملہ کو نفقہ ملے گا اس سلسلہ میں انھوں نے مندرجہ ذیل روایات سے استدلال کیا ہے تاکہ روایت فاطمہ (رض) کا جواب ہوجائے۔
امام طحاوی (رح) فرماتے ہیں : فریق اوّل نے ان آثار سے استدلال کرتے ہوئے اس عورت کے متعلق جس کو طلاق بائنہ مل جائے یہ کہا کہ اس کو سکنیٰ اور فنقہ نہ ملے گا وہ صرف طلاق رجعی والی عورت کو دیا جائے گا۔
فریق ثانی کا مؤقف : ہر مطلقہ کو سکنیٰ دیا جائے گا اور یہ اختتام عدت تک ہوگا خواہ طلاق بائن ہو یا رجعی۔ البتہ نفقہ اس عورت کو ملے گا جو طلاق رجعی والی ہے جب بائن ہوگی تو اس میں اختلاف ہے بعض نفقہ کے قابل ہیں خواہ وہ حاملہ ہو یا غیر حاملہ۔ جن علماء کا یہ قول ہے ان میں ابوحنیفہ ‘ ابو یوسف ‘ محمد (رح) اجمعین شامل ہیں۔ بعض نے کہا صرف حاملہ کو نفقہ ملے گا اس سلسلہ میں انھوں نے مندرجہ ذیل روایات سے استدلال کیا ہے۔