٤٤٤١: عمرو بن میمون نے اپنے والد سے نقل کیا کہ میں نے سعید بن المسیب کو کہا جس عورت کو تین طلاق مل جائیں وہ کہاں عدت گزارے ؟ انھوں نے جواب دیا اپنے گھر میں۔ میں نے کہا کیا اللہ کے رسول (صلی اللہ علیہ وآلہ وسلم) نے فاطمہ بنت قیس کو ابن ام مکتوم (رض) کے گھر میں عدت کا حکم نہیں فرمایا۔ تو سعید کہنے لگے۔ اس عورت نے لوگوں کو آزمائش میں ڈال دیا اور اپنے دیور پر اپنی زبان کو خوب لمبا کیا تو جناب رسول اللہ (صلی اللہ علیہ وآلہ وسلم) نے اسے ابن ام مکتوم (رض) کے مکان پر عدت گزارنے کا حکم فرمایا یہ نابینا تھے۔
امام طحاوی (رح) کا قول : سعید بن مسیب (رح) کے قول کے مطابق فاطمہ (رض) کی روایت : لا سکنی ولا نفقۃ “ تین طلاق والی عورت کے لیے نفقہ و سکنی نہ دیئے جانے کی کوئی دلیل نہیں۔ کیونکہ گھر سے نکالنے اور خرچہ بند کرنے کی وجہ ان کی زبان کا کنٹرول میں نہ ہونا تھا۔