٤٥٢٠: عبداللہ بن عبداللہ بن حبیب نے عبداللہ بن انیس (رض) سے روایت کی ہے کہ ان سے لیلۃ القدر کے متعلق پوچھا گیا تو کہنے لگے میں نے جناب رسول اللہ (صلی اللہ علیہ وآلہ وسلم) کو فرماتے سنا ہے۔ اس خصوصی رات کو تلاش کرو اور وہ رات تیئیسویں کی رات ہے۔ ایک آدمی کہنے لگا یہ تو بقیہ آٹھ میں سے پہلی ہوئی آپ نے فرمایا بقیہ سات میں سے پہلی کیونکہ مہینہ بسا اوقات پورا نہیں ہوتا۔ اس روایت سے یہ بات ثابت ہوئی کہ یہ آخری سات راتوں میں ہے اور ان کا قصد تیئیسویں کی رات تھی کیونکہ وہ مہینہ انتیس کا تھا۔