٤٥٣٧: ابو نضرہ نے ابو سعید خدری (رض) سے روایت کی ہے کہ جناب نبی اکرم (صلی اللہ علیہ وآلہ وسلم) نے ارشاد فرمایا لیلۃ القدر کو آخری عشرہ کی نو راتیں اور سات راتیں اور پانچ راتیں باقی ہوں تو تلاش کرو۔ عین ممکن ہے کہ اس سے وہ سال مراد ہو جس میں جناب رسول اللہ (صلی اللہ علیہ وآلہ وسلم) نے اعتکاف فرمایا اور جس سال لیلۃ القدر دکھا کر بھلا دی گئی۔ البتہ اس سے آپ نے یہ جان لیا کہ یہ طاق راتوں میں ہے۔ اس لیے صحابہ کرام کو آخری عشرہ کی طاق راتوں میں تلاش کا حکم فرمایا پھر بارش کا نزول ہوا تو اس سے استدلال کیا گیا کہ وہ رات اس سال اس معینہ رات میں تھی۔ مگر اس میں اس بات کی کوئی دلیل نہیں کہ آئندہ سالوں میں بھی اسی طرح ہوگی اسی معینہ رات میں ہوگی یا اس سے پہلے یا اس کے بعد ہوگی اور یہ بھی کہنا ممکن ہے کہ ابو نضرہ نے جو ابو سعید (رض) کی وساطت سے جناب نبی اکرم (صلی اللہ علیہ وآلہ وسلم) کی طرف سے بیان کیا وہ آئندہ تمام سالوں میں اسی طرح ہو۔ اس صورت میں اس روایت کا معنی وہی ہوجائے گا جو ہم نے اس باب میں پہلے ابن عمر (رض) سے بیان کیا البتہ ابو سعید (رض) کی روایت میں ایک معنی زائد ہے اور وہ یہ ہے کہ وہ طاق راتوں میں ہوگی۔
تخریج : مسند احمد ١؍١٤‘ ٤٣‘ ٢؍٢٩١۔
تبصرہ طحاوی (رح) : عین ممکن ہے کہ اس سے وہ سال مراد ہو جس میں جناب رسول اللہ (صلی اللہ علیہ وآلہ وسلم) نے اعتکاف فرمایا اور جس سال لیلۃ القدر دکھا کر بھلا دی گئی۔ البتہ اس سے آپ نے یہ جان لیا کہ یہ طاق راتوں میں ہے۔ اس لیے صحابہ کرام کو آخری عشرہ کی طاق راتوں میں تلاش کا حکم فرمایا پھر بارش کا نزول ہوا تو اس سے استدلال کیا گیا کہ وہ رات اس سال اس معینہ رات میں تھی۔
مگر اس میں اس بات کی کوئی دلیل نہیں کہ آئندہ سالوں میں بھی اسی طرح ہوگی اسی معینہ رات میں ہوگی یا اس سے پہلے یا اس کے بعد ہوگی اور یہ بھی کہنا ممکن ہے کہ ابو نضرہ نے جو ابو سعید (رض) کی وساطت سے جناب نبی اکرم (صلی اللہ علیہ وآلہ وسلم) کی طرف سے بیان کیا وہ آئندہ تمام سالوں میں اسی طرح ہو۔ اس صورت میں اس روایت کا معنی وہی ہوجائے گا جو ہم نے اس باب میں پہلے ابن عمر (رض) سے بیان کیا البتہ ابو سعید (رض) کی روایت میں ایک معنی زائد ہے اور وہ یہ ہے کہ وہ طاق راتوں میں ہوگی۔