٤٥٤٦: زربن حبیش کہتے ہیں میں نے ابی بن کعب (رض) سے کہا کہ عبداللہ بن مسعود (رض) کہتے ہیں کہ جس نے تمام سال قیام کیا اس نے لیلۃ القدر کو پا لیا۔ تو ابی فرمانے لگے۔ اللہ تعالیٰ ابو عبدالرحمن پر رحم کرے۔ خبردار ! اچھی طرح سن لو۔ مجھے اس اللہ کی قسم ہے جس کے نام کی قسم اٹھائی جاتی ہے۔ وہ یقیناً جانتے ہیں کہ یہ رمضان المبارک میں ہے اور یہ ستائیسویں رات ہے۔ امام طحاوی (رح) فرماتے ہیں کہ یہ حضرت ابی بن کعب (رض) ہیں جو جناب رسول اللہ (صلی اللہ علیہ وآلہ وسلم) سے اطلاع دے رہے ہیں کہ وہ ستائیسویں کی رات ہے اور عبداللہ بن مسعود (رض) کے قول کی نفی کر رہے ہیں کہ پورے سال میں قیام کرنے والا لیلۃ القدر کو پانے والا ہے۔ البتہ اتنی بات ضرور ہے کہ عبداللہ (رض) سے یہ مروی ہے کہ لیلۃ القدر رمضان المبارک میں ہے جیسا کہ ابی (رض) کہہ رہے ہیں کہ وہ جانتے ہیں کہ وہ رمضان المبارک کی رات ہے۔ لیکن ان کے ہاں ستائیس کے علاوہ ہے۔ جیسا کہ یہ روایت شاہد ہے۔ زر کہتے ہیں جب میں نے ان کو دیکھا کہ وہ ان شاء اللہ کہنے کے بغیر قسم اٹھا رہے ہیں تو میں نے کہا آپ کو اس کا کیسے علم ہوا ؟ اس نشانی کے ذریعہ جس کی اطلاع ہمیں جناب رسول اللہ (صلی اللہ علیہ وآلہ وسلم) نے دی پس ہم نے گنا اور شمار کیا تو وہ ستائیسویں رات تھی کہ جب سورج نکلتے وقت بلاشعاع تھا۔
تبصرہ طحاوی (رح) : یہ ابی بن کعب (رض) جو جناب رسول اللہ (صلی اللہ علیہ وآلہ وسلم) سے اطلاع دے رہے ہیں کہ وہ ستائیسویں کی رات ہے اور عبداللہ بن مسعود (رض) کے قول کی نفی کر رہے ہیں کہ پورے سال میں قیام کرنے والا لیلۃ القدر کو پانے والا ہے۔ البتہ اتنی بات ضرور ہے کہ عبداللہ (رض) سے یہ مروی ہے کہ لیلۃ القدر رمضان المبارک میں ہے جیسا کہ ابی (رض) کہہ رہے ہیں کہ وہ جانتے ہیں کہ وہ رمضان المبارک کی رات ہے۔ لیکن ان کے ہاں ستائیس کے علاوہ ہے۔ جیسا کہ یہ روایت شاہد ہے۔