٤٥٤٨: ابو عبیدہ نے عبداللہ سے روایت کی ہے کہ جناب رسول اللہ (صلی اللہ علیہ وآلہ وسلم) سے لیلۃ القدر کے متعلق سوال کیا گیا تو فرمایا۔ تم میں سے کس کو صہباوات کی رات یاد ہے۔ عبداللہ کہنے لگے اللہ کی قسم میرے ماں ‘ باپ آپ پر قربان ہوں مجھے یاد ہے یارسول اللہ (صلی اللہ علیہ وآلہ وسلم) ! میرے ہاتھ میں کچھ کھجوریں تھیں جن سے میں سحری کررہا ہوں اور میں اپنے کجاوے کے پچھلے حصہ کی آڑ میں صبح سے بچاؤ کے لیے چھپ رہا ہوں اور یہ طلوع فجر کا وقت ہے۔ اس روایت میں جناب رسول اللہ (صلی اللہ علیہ وآلہ وسلم) سے جب لیلۃ القدر کے متعلق دریافت کیا گیا تو آپ (صلی اللہ علیہ وآلہ وسلم) نے ان کو خبر دی کہ وہ کون سی رات ہے اس کو لیلۃ الصہباوات سے تعبیر فرمایا۔ تو عبداللہ (رض) نے اس کی چاند کی روشنی سے وضاحت کی کہ چاند کی روشنی طلوع فجر کے وقت جب اس انداز سے ہو (تو وہ لیلۃ القدر ہے) اور چاند کی روشنی اس طرح مہینے کے آخر میں ہوتی ہے پس یہ روایت تو اسی بات پر دلالت کر رہی ہے جس پر ابی (رض) کی روایت دلالت کرتی ہے۔ قرآن مجید کی آیات اس بات پر دلالت کرتی ہیں کہ لیلۃ القدر خاص طور پر رمضان کے اندر ہے جیسے قولہ تعالیٰ : { حٰمٓ وَالْکِتٰبِ الْمُبِیْنِ اِنَّآ اَنْزَلْنٰہُ فِیْ لَیْلَۃٍ مُّبٰرَکَۃٍ اِنَّا کُنَّا مُنْذِرِیْنَ فِیْہَا یُفْرَقُ کُلُّ اَمْرٍ حَکِیْمٍ } (الدخان : ١۔ ٤) ان آیات میں اللہ تعالیٰ نے یہ خبر دی ہے کہ وہ رات جس میں ہر حکمت والا معاملہ طے ہوتا ہے وہ لیلۃ القدر ہے اور یہی وہ رات ہے جس میں قرآن مجید اتارا گیا۔ پھر فرمایا گیا : { شَہْرُ رَمَضَانَ الَّذِیْ اُنْزِلَ فِیْہِ الْقُرْاٰنُ۔۔۔} (البقرہ : ١٨٥) اس سے یہ بات ثابت ہوگئی کہ وہ رات رمضان المبارک میں ہے اب اس بات کی ضرورت پیش آئی کہ یہ معلوم کیا جائے کہ وہ کون سی رات ہے ؟ اس پر سب سے پہلی دلالت وہ روایت ہے جو بلال (رض) نے جناب رسول اللہ (صلی اللہ علیہ وآلہ وسلم) سے نقل کی ہے کہ وہ چوبیس کی رات ہے۔ ابی بن کعب (رض) کی جو روایت جناب نبی اکرم (صلی اللہ علیہ وآلہ وسلم) سے مروی ہے وہ ستائیسویں شب سے متعلق ہے اور معاویہ (رض) نے جناب نبی اکرم (صلی اللہ علیہ وآلہ وسلم) سے ابی بن کعب (رض) جیسی روایت جناب نبی اکرم (صلی اللہ علیہ وآلہ وسلم) سے نقل کی ہے۔
تخریج : مسند احمد ١؍٣٧٦‘ ٣٩٦‘ ٤٥٣۔
تبصرہ طحاوی (رح) : اس روایت میں جناب رسول اللہ (صلی اللہ علیہ وآلہ وسلم) سے جب لیلۃ القدر کے متعلق دریافت کیا گیا تو آپ (صلی اللہ علیہ وآلہ وسلم) نے ان کو خبر دی کہ وہ کون سی رات ہے اس کو لیلۃ الصہباوات سے تعبیر فرمایا۔ تو عبداللہ (رض) نے اس کی چاند کی روشنی سے وضاحت کی کہ چاند کی روشنی طلوع فجر جب اس انداز سے ہو (تو وہ لیلۃ القدر ہے) اور چاند کی روشنی اس طرح مہینے کے آخر میں ہوتی ہے پس یہ روایت تو اسی بات پر دلالت کر رہی ہے جس پر ابی (رض) کی روایت دلالت کرتی ہے۔
قرآن مجید کی آیات اس بات پر دلالت کرتی ہیں کہ لیلۃ القدر خاص طور پر رمضان کے اندر ہے۔ قولہ تعالیٰ حمٓ والکتاب المبین انا انزلناہ فی لیلۃ مبارکۃ انا کنا منذرین فیہا یفرق کل امر حکیم (الدخان ١۔ ٤) ان آیات میں اللہ تعالیٰ نے یہ خبر دی ہے کہ وہ رات جس میں ہر حکمت والا معاملہ طے ہوتا ہے وہ لیلۃ القدر ہے اور یہی وہ رات ہے جس میں قرآن مجید اتارا گیا۔ پھر فرمایا گیا۔ شہر رمضان الذی انزل فیہ القرآن (البقرہ ١٨٥) اس سے یہ بات ثابت ہوگئی کہ وہ رات رمضان المبارک میں ہے اب اس بات کی ضرورت پیش آئی کہ یہ معلوم کیا جائے کہ وہ کون سی رات ہے ؟
نمبر 1: اس پر سب سے پہلی دلالت وہ روایت ہے جو بلال (رض) نے جناب رسول اللہ (صلی اللہ علیہ وآلہ وسلم) سے نقل کی ہے کہ وہ چوبیس کی رات ہے۔
نمبر 2: ابی بن کعب (رض) کی جو روایت جناب نبی اکرم (صلی اللہ علیہ وآلہ وسلم) سے مروی ہے وہ ستائیسویں شب سے متعلق ہے۔
نمبر 3: اور معاویہ (رض) نے ابی بن کعب (رض) جیسی روایت جناب نبی اکرم (صلی اللہ علیہ وآلہ وسلم) سے نقل کی ہے۔