٤٥٥٢: حماد بن زید نے یحییٰ بن سعید سے پھر انھوں نے اپنی سند سے روایت نقل کی ہے۔ جناب رسول اللہ (صلی اللہ علیہ وآلہ وسلم) نے فرمایا کہ الاعمال بالنیات تو اس سے ثابت ہوا کہ کوئی عمل اس وقت تک نافذ نہ ہوگا جب تک نیت نہ ہو وہ عمل طلاق ‘ عتاق وغیرہ جو بھی ہو۔ دوسروں نے اپنی دلیل دیتے ہوئے کہا جو معنی آپ نے مراد لیا وہ مقصود نہیں بلکہ اس سے مراد یہ ہے کہ وہ اعمال جن پر ثواب ملتا ہے ان کا دارومدار نیتوں پر ہے اگر نیت درست نہ ہوگی تو ثواب نہ ملے گا ذرا غور تو کرو کہ آپ (صلی اللہ علیہ وآلہ وسلم) کا فرمان یہ ہے کہ اعمال کا دارومدار نیت پر ہے اور ہر شخص کے لیے وہی کچھ ہے جو اس نے نیت کی ہے پس اس سے ثواب مراد ہے پھر آپ نے فرمایا جس کی ہجرت اللہ تعالیٰ اور اس کے رسول اللہ (صلی اللہ علیہ وآلہ وسلم) کی طرف ہو تو اس کی ہجرت اللہ اور اس کے رسول کی طرف ہوگی اور جس کی ہجرت دنیا کی غرض سے ہوگی کہ اسے حاصل کرے یا کسی عورت کے لیے ہو کہ اس سے نکاح کرے تو اس کی ہجرت اسی کی طرف ہوگی جس کی طرف اس نے ہجرت کی ہے یہ کلام کسی سوال کا جواب ہے گویا اس طرح مہاجر کے عمل ہجرت کا ثواب دریافت کیا گیا تو آپ (صلی اللہ علیہ وآلہ وسلم) نے فرمایا اعمال کا دارومدار نیت پر ہے یہاں تک کہ آپ نے وہ بات فرمائی جو روایت میں وارد ہوئی ہے اس روایت کا تعلق اکراہ سے طلاق ‘ عتاق ‘ رجوع ‘ قسم سے نہیں ہے۔ پس اس سے فریق اوّل کا اعتراض بالکل زائل ہوگیا۔ اس روایت میں ان کی دلیل نہ رہی جن کے تذکرہ سے ہم نے ابتداء کی تھی۔ اب فریق ثانی کی حجت ذکر کی جا رہی ہے جو وہ پیش کرتے ہیں۔
طریق استدلال : جناب رسول اللہ (صلی اللہ علیہ وآلہ وسلم) نے فرمایا کہ الاعمال بالنیات تو اس سے ثابت ہوا کہ کوئی عمل اس وقت تک نافذ نہ ہوگا جب تک نہ ہو وہ عمل طلاق ‘ عتاق وغیرہ جو بھی ہو۔
جواب فریق ثانی : جو معنی آپ نے مراد لیا وہ مقصود نہیں بلکہ اس مراد یہ ہے کہ وہ اعمال جن پر ثواب ملتا ہے ان کا دارومدار نیتوں پر ہے اگر نیت درست نہ ہوگی تو ثواب نہ نلے گا ذرا غور تو کرو کہ آپ (صلی اللہ علیہ وآلہ وسلم) کا فرمان یہ ہے کہ اعمال کا دارومدار نیت پر ہے اور ہر شخص کے لیے وہی کچھ ہے جو اس نے نیت کی ہے پس اس سے ثواب مراد ہے پھر آپ نے فرمایا جس کی ہجرت اللہ تعالیٰ اور اس کے رسول اللہ (صلی اللہ علیہ وآلہ وسلم) کی طرف ہو تو اس کی ہجرت اللہ اور اس کے رسول کی طرف ہوگی اور جس کی ہجرت دنیا کی غرض سے ہوگی تو اسے حاصل کر یا کسی عورت کے لیے ہو کہ اس سے نکاح کرے تو اس کی ہجرت اسی کی طرف ہوگی جس کی طرف اس نے ہجرت کی ہے یہ کلام کسی سوال کا جواب ہے گویا اس طرح مہاجر کے عمل ہجرت کا ثواب دریافت کیا گیا تو آپ (صلی اللہ علیہ وآلہ وسلم) نے فرمایا اعمال کا دارومدار نیت پر ہے یہاں تک کہ آپ وہ بات فرمائی جو روایت میں وارد ہوئی ہے اس روایت کا تعلق اکراہ سے طلاق ‘ عتاق ‘ رجوع ‘ قسم سے نہیں ہے۔