٤٥٥٩: علقمہ نے حضرت ابن مسعود (رض) سے روایت کی ہے کہ ہم شام کے وقت مسجد میں تھے کہ ایک شخص نے آ کر کہا اگر ہم میں سے کوئی شخص اپنی بیوی کے ساتھ کسی مرد کو دیکھے پھر اگر وہ اسے قتل کر دے تو تم اسے قتل کرو گے (قصاص میں) اور اگر وہ اس کے متعلق بات کرلے تو تم اسے کوڑے لگاؤ گے اور اگر وہ خاموشی اختیار کرے تو وہ غصے کی حالت میں وہ خاموشی اختیار کرنے والا ہوگا۔ میں اس کے متعلق جناب رسول اللہ (صلی اللہ علیہ وآلہ وسلم) سے ضرور دریافت کروں گا۔ چنانچہ اس نے جناب رسول اللہ (صلی اللہ علیہ وآلہ وسلم) سے دریافت کیا اور کہنے لگایا رسول اللہ (صلی اللہ علیہ وآلہ وسلم) ! اگر کوئی شخص ہم میں سے اپنی بیوی کے ساتھ کسی شخص کو دیکھے پھر اسے اگر وہ قتل کر دے تو آپ اس کو قتل (قصاص میں) کردیں گے اور اگر وہ اس کے متعلق کلام کرے تو اس کو کوڑے لگائے جائیں گے اور اگر وہ خاموش رہے تو غصے کی حالت میں خاموشی اختیار کرنے والا ہوگا اے اللہ اس سلسلے میں تو حکم نازل فرمایا۔ پس لعان کی آیت نازل ہوئی ابن مسعود (رض) فرماتے ہیں کہ یہ شخص سب سے پہلے اس میں مبتلا ہوا۔ مسئلہ لعان میں روایت ابن مسعود (رض) کی اصل یہ ہے۔ یہ لعان قذف ہے جو اس مرد نے اپنی بیوی کے متعلق حمل کی حالت میں الزام لگایا۔ یہ حمل کی وجہ سے لعان نہیں ہے اور اس روایت کو اس طرح ابن مسعود (رض) کے علاوہ دیگر صحابہ کرام (رض) نے بھی روایت کیا ہے۔
لغات : مہ۔ رک جا۔ باز آ۔ الجعد۔ گھنگھریالے بال۔