٤٥٨٤: نافع نے ابن عمر (رض) سے روایت کی ہے کہ ابن عمر (رض) اس غلام یا لونڈی کے متعلق فتویٰ دیتے جو مشترک ہو اور ایک شریک اپنا حصہ آزاد کر دے۔ تو اب جس نے آزاد کیا اسے سارے غلام کو آزاد کرنا لازم ہوگیا جبکہ اس کے پاس اتنا مال ہو جو اس کی قیمت تک پہنچ سکتا ہو۔ چنانچہ انصاف سے اس کے مال میں قیمت لگائی جائے اور اس کے شرکاء کو ان کے حصہ جات ادا کرے اور غلام کا راستہ چھوڑ دے اور عبداللہ کہتے ہیں کہ جناب رسول اللہ (صلی اللہ علیہ وآلہ وسلم) سے میں نے اسی طرح سنا ہے۔