٤٦٧٨: عطاء نے حضرت جابر (رض) سے نقل کیا کہ فتح مکہ کے دن ایک شخص نے عرض کیا یارسول اللہ (صلی اللہ علیہ وآلہ وسلم) ! میں نے یہ نذر مان رکھی ہے کہ اگر اللہ تعالیٰ نے مکہ مکرمہ کو فتح فرمایا تو میں بیت المقدس میں نماز پڑھوں گا جناب نبی (صلی اللہ علیہ وآلہ وسلم) نے اس کو فرمایا اس جگہ نماز پڑھ لو اس نے اپنا سوال دو ‘ تین مرتبہ دہرایا تو جناب نبی اکرم (صلی اللہ علیہ وآلہ وسلم) نے فرمایا پھر تو جان اور تیرا کام۔ اس حدیث سے معلوم ہو رہا ہے کہ جناب رسول اللہ (صلی اللہ علیہ وآلہ وسلم) نے اس شخص کو جس نے بیت المقدس میں نماز کی نذر مان رکھی تھی۔ دوسری جگہ پڑھنے کا حکم دیا اسی وجہ سے امام ابوحنیفہ ‘ ابو یوسف ‘ محمد (رح) نے فرمایا جو شخص اللہ تعالیٰ کے نام کی نذ رمانے کہ وہ فلاں مقام پر نماز ادا کرے گا اور اس نے اس کی بجائے دوسری جگہ نماز پڑھ لی تو اس کے لیے کافی ہے۔ انھوں نے اسی روایت کو دلیل بنایا ہے۔ البتہ امام ابو یوسف (رح) نے امالی ابو یوسف میں تحریر فرمایا جس آدمی نے یہ نذر مانی کہ وہ بیت المقدس میں نماز ادا کرے گا پھر اس نے بیت اللہ شریف میں نماز ادا کرلی یا مسجد نبوی میں نماز ادا کرلی تو اس کے لیے یہ نماز کافی ہوجائے گی۔ کیونکہ اس نے ایسی جگہ میں نماز ادا کی ہے جو اس جگہ سے افضل ہے جہاں نذر کی اس نے نیت کی ہے اور جس نے اس طرح نذر کی کہ وہ مسجد حرام میں نماز ادا کرے گا اور اس نے بیت المقدس میں نماز ادا کرلی تو اس کے لیے کافی نہ ہوگی کیونکہ اس نے ایسی جگہ نماز ادا کی ہے جو اس سے فضیلت میں کم ہے جس کی اس نے نذر مان رکھی تھی۔ انھوں نے اس سلسلہ میں ان روایات سے استدلال کیا ہے۔
تخریج : ابو داؤد فی الایمان باب ٢٠‘ دارمی فی النذور باب ٤‘ مسند احمد ٣؍٣١٣۔
امام طحاوی (رح) کا قول : اس حدیث سے معلوم ہو رہا ہے کہ جناب رسول اللہ (صلی اللہ علیہ وآلہ وسلم) نے اس شخص کو جس نے بیت المقدس میں نماز کی نذر مان رکھی تھی۔ دوسری جگہ پڑھنے کا حکم دیا اسی وجہ سے امام ابوحنیفہ ‘ ابو یوسف ‘ محمد (رح) نے فرمایا جو شخص اللہ تعالیٰ کے نام کی نذ رمانے کہ وہ فلاں مقام پر نماز ادا کرے گا اور اس نے اس کی بجائے دوسری جگہ نماز پڑھ لی تو اس کے لیے کافی ہے۔ انھوں نے اسی روایت کو دلیل بنایا ہے۔
فریق ثانی : البتہ امام ابو یوسف (رح) نے امالی ابو یوسف میں تحریر فرمایا جس آدمی نے یہ نذر مانی کہ وہ بیت المقدس میں نماز ادا کرے گا پھر اس نے بیت اللہ شریف میں نماز ادا کرلی یا مسجد نبوی میں نماز ادا کرلی تو اس کے لیے یہ نماز کافی ہوجائے گی۔ کیونکہ اس نے ایسی جگہ میں نماز ادا کی ہے جو اس جگہ سے افضل جہاں نذر کی اس نے نیت کی ہے۔
نمبر 2: اور جس نے اس طرح نذر کی کہ وہ مسجد حرام میں نماز ادا کرے گا اور اس نے بیت المقدس میں نماز ادا کرلی تو اس کے لیے کافی نہ ہوگی کیونکہ اس نے ایسی جگہ نماز ادا کی ہے جو اس سے فضیلت میں کم ہے جس کی اس نے نذر مان رکھی تھی۔
انھوں نے اس سلسلہ میں ان روایات سے استدلال کیا ہے۔