٤٧١٦: کریب نے ابن عباس (رض) سے روایت کی ہے کہ ایک آدمی جناب رسول اللہ (صلی اللہ علیہ وآلہ وسلم) کی خدمت میں آ کر کہنے لگا یارسول اللہ (صلی اللہ علیہ وآلہ وسلم) ! میری بہن نے پیدل حج کی نذر مانی ہے تو آپ نے ارشاد فرمایا۔ اللہ تعالیٰ تیری بہن کو مشقت میں ڈال کر کیا کرے گا۔ اسے سوار ہو کر حج کرنا چاہیے اور اپنی قسم کا کفارہ ادا کرے۔ دوسروں نے کہا پیدل حج کی نذر ماننے والے کو ہم کہیں گے کہ وہ سوار ہوجائے اور اپنی قسم کا کفارہ ادا کرے جبکہ اس نے قسم کا ارادہ کیا ہو اور اس کے ساتھ ہم اس کو ہدی کا بھی حکم دیں گے ان کی مستدل یہ روایات ہیں۔
تخریج : ابو داؤد فی الایمان باب ١٩‘ ترمذی فی النذور باب ١٧‘ مسند احمد ١؍٣١٠۔