٤٧٢١: نافع کہتے ہیں کہ عبداللہ نے بیان کیا کہ حضرت عمر (رض) نے جناب رسول اللہ (صلی اللہ علیہ وآلہ وسلم) سے سوال کیا جبکہ آپ جعرانہ میں تھے یارسول اللہ (صلی اللہ علیہ وآلہ وسلم) میں نے جاہلیت میں نذر مانی تھی کہ ایک دن مسجد حرام میں اعتکاف کروں گا جناب نبی اکرم (صلی اللہ علیہ وآلہ وسلم) نے فرمایا جا کر ایک دن کا اعتکاف کرو۔
تخریج : مسلم فی الایمان ٢٨۔
بعض علماء کا خیال یہ ہے کہ جب کسی آدمی نے حالت شرک و کفر میں اپنے اوپر اعتکاف ‘ صدقہ یا ایسا عمل لازم کیا جس کو مسلمان کرتے ہیں پھر وہ اسلام لے آیا تو یہ اس کے ذمہ واجب ہے اس کی دلیل مندرجہ بالا روایات ہیں۔