٤٧٣٣: عبیداللہ بن عبداللہ بن عتبہ نے حضرت ابوہریرہ (رض) اور زید بن خالد جہنی (رض) سے روایت کی ہے کہ جناب رسول اللہ (صلی اللہ علیہ وآلہ وسلم) سے لونڈی کے متعلق دریافت کیا گیا کہ جب وہ زنا کرے اور وہ شادی شدہ نہ ہو تو آپ نے فرمایا جب وہ زنا کرے اسے کوڑے مارو۔ پھر اگر زنا کرے پھر اس کو کوڑے مارو پھر اگر وہ زنا کرے تو اسے کوڑے مارو پھر اس کو فروخت کر دو اگرچہ بالوں کی رسی کے بدلے ہو۔
مالک کہتے ہیں کہ ابن شہاب نے کہا مجھے معلوم نہیں کہ آیا تیسری بار یا چوتھی بار کے بعد آپ نے یہ بات فرمائی۔
تخریج : بخاری فی الحدود باب ٣٥‘ والبیوع باب ٦٦‘ مسلم فی الحدود ٣٢‘ ابو داؤد فی الحدود باب ٣٢‘ ترمذی فی الحدود باب ٨‘ ابن ماجہ فی الحدود باب ١٤‘ دارمی فی الحدود باب ١٨‘ مالک فی الحدود ١٤‘ مسند احمد ٢؍٢٤٩‘ ٤‘ ١١٦؍١١٧‘ ٦؍٦٥۔