٤٧٤٧: سماک نے جابر بن سمرہ (رض) سے روایت کی ہے کہ جناب نبی اکرم (صلی اللہ علیہ وآلہ وسلم) نے ماعز کو سنگ سار کیا اور کوڑوں کا تذکرہ جابر نے نہیں کیا۔ اس سے یہ بات ثابت ہوئی کہ شادی شدہ کی حد رجم ہے کوڑے نہیں۔ جن روایات میں رجم اور کوڑے دونوں کا تذکرہ ہے وہ فقط رجم والی روایت سے اولیٰ ہیں (اور اضافہ ثقہ کا معتبر ہے) تو اس کا جواب یہ ہے کہ رجم کے ساتھ کوڑوں کی سزا منسوخ ہونے پر دلالت پائی جاتی ہے یہاں ایک ضابطہ زانی کے سلسلہ میں پایا جاتا ہے شادی شدہ اور کنوارے میں تفریق سے پہلے اس آیت مبارکہ کو دیکھیں : { وَالّٰتِیْ یَاْتِیْنَ الْفَاحِشَۃَ مِنْ نِّسَآپکُمْ فَاسْتَشْہِدُوْا عَلَیْہِنَّ اَرْبَعَۃً مِّنْکُمْ ٥ فَاِنْ شَہِدُوْا فَاَمْسِکُوْہُنَّ فِی الْبُیُوْتِ حَتّٰی یَتَوَفّٰہُنَّ الْمَوْتُ اَوْ یَجْعَلَ اللّٰہُ لَہُنَّ سَبِیْلاً }(النساء : ١٥) تو شروع میں زانیہ عورت کی یہی سزا تھی کہ اس کو گھر میں روک دیا جائے یہاں تک کہ وہ مرجائے یا اللہ تعالیٰ اس کے لیے کوئی راستہ نکال دے۔ پھر جناب رسول اللہ (صلی اللہ علیہ وآلہ وسلم) کے اس ارشاد سے جس کا تذکرہ عبادہ بن صامت (رض) والی روایت میں موجود ہے یہ حکم منسوخ ہوگیا کہ آپ (صلی اللہ علیہ وآلہ وسلم) نے فرمایا یا اللہ تعالیٰ نے وہ راستہ مقرر کردیا تو گویا جس سبیل کا اس آیت شریفہ میں وعدہ تھا اللہ تعالیٰ نے وہ اپنے پیغمبر (صلی اللہ علیہ وآلہ وسلم) کی زبان سے بیان کردیا اور اس سلسلے میں شادی شدہ پر کوڑے اور رجم اور کنوارے پر کوڑے اور جلاوطنی مقرر فرمائی۔ تو اب اس سے معلوم ہوگیا کہ آپ (صلی اللہ علیہ وآلہ وسلم) کا یہ ارشاد اس آیت کے نزول کے بعد کا ہے اور نزول آیت سے پہلے کا نہیں۔ کیونکہ آیت میں مذکور سزا حبس دوام فی البیوت تھا اور ارشاد میں زانی پر رجم کو لازم کیا گیا ہے اور آیت : او یجعل اللہ ہلن سبیلا اور حدیث عبادہ کے درمیان اور کوئی حکم موجود نہیں پس اس سے ہمیں معلوم ہوگیا کہ حدیث عبادہ آیت کے نزول کے بعد ہے اور ماعز (رض) والی روایت جس میں جناب رسول اللہ (صلی اللہ علیہ وآلہ وسلم) نے ان کے متعلق دریافت کیا کہ شادی شدہ ہیں یا غیر شادی شدہ۔ کیونکہ دونوں کے درمیان حکم میں فرق ہے اور روایت ابوہریرہ (رض) اور زید بن خالد جہنی (رض) میں جناب رسول اللہ (صلی اللہ علیہ وآلہ وسلم) نے کنوارے اور شادی شدہ میں فرق کیا ہے پس کنوارے جوڑے پر سو کوڑے اور ایک سال کی جلا وطنی مقرر کی گئی اور شادی شدہ پر سنگساری۔ یہ روایات اس سے متاخر ہیں پس یہ اس کے لیے ناسخ قرار پائیں گی کیونکہ آپ (صلی اللہ علیہ وآلہ وسلم) کا جو حکم مقدم ہے بعد والا حکم اس کو منسوخ کرنے والا ہے۔ پس ہم نے جو روایات ابوہریرہ (رض) ‘ زید بن خالد اور حدیث ماعز (رض) پیش کی ہیں۔ یہ عبادہ (رض) سے اولیٰ ہیں اور لفظ و فکر صحیح بھی ان روایات کی مؤید ہے۔ وہ سزائیں جو عزتوں کو برباد کرنے کی صورت میں مقرر کی گئی ہیں وہ ایک چیز ہے مثلاً ان میں ایک سزا چور کی ہے۔ چور کی سزا میں صرف قطع ید ہے اور کچھ نہیں۔ بہتان تراش پر صرف کوڑے ہیں (اسی کوڑے) پس نظر کا تقاضا یہ ہے کہ زانی محصن کی سزا میں صرف ایک چیز ہو۔ نہ کچھ اور پس اس پر متفق علیہ سزا رجم ہی ہوگی اور کوڑوں پر اتفاق نہ ہونے کی وجہ سے اس کی نفی کی جائے گی۔ یہی قول امام ابوحنیفہ ‘ ابو یوسف ‘ محمد (رح) کا ہے۔ اگر کوئی یہ اعتراض کرے کہ اس حکم کے منسوخ ہونے کا دعویٰ درست نہیں جبکہ حضرت علی (رض) نے اس پر آپ (صلی اللہ علیہ وآلہ وسلم) کے بعد عمل کیا۔ روایات ملاحظہ ہوں۔
تخریج : بخاری فی الحدود باب ٢٨‘ مسلم فی الحدود باب ١٢‘ ٢٣‘ ابن ابو داؤد فی الحدود باب ٧‘ ٢٣؍٢٤‘ ترمذی فی الحدود باب ٤‘ ٥‘ ٨‘ ابن ماجہ فی الحدود باب ٩‘ دارمی فی الحدود باب ١٢‘ ١٣‘ ١٤‘ مسند احمد ١؍٨‘ ٢٣٨‘ ٢٠؍٢٨١‘ ٣؍٢‘ ٦٢‘ ٤‘ ٤٢٣؍٨٦‘ ٨٧۔
اس سے یہ بات ثابت ہوئی کہ شادی شدہ کی حد رجم ہے کوڑے نہیں۔
سوال : جن روایات میں رجم اور کوڑے دونوں کا تذکرہ ہے وہ فقط رجم والی روایت سے اولیٰ ہیں۔ (اضافہ ثقہ کا معتبر ہے)
جواب : رجم کے ساتھ کوڑوں کی سزا منسوخ ہونے پر روایات میں دلالت پائی جاتی ہے یہاں ایک ضابطہ زانی کے سلسلہ میں پایا جاتا ہے شادی شدہ اور کنوارے میں تفریق سے پہلے اس آیت مبارکہ کو دیکھیں
جواب : رجم کے ساتھ کوڑوں کی سزا منسوخ ہونے پر روایات میں دلالت پائی جاتی ہے یہاں ایک ضابطہ زانی کے سلسلہ میں پایا جاتا ہے شادی شدہ اور کنوارے میں تفریق سے پہلے اس آیت مبارکہ کو دیکھیں :{ وَالّٰتِیْ یَاْتِیْنَ الْفَاحِشَۃَ مِنْ نِّسَآپکُمْ فَاسْتَشْہِدُوْا عَلَیْہِنَّ اَرْبَعَۃً مِّنْکُمْ ٥ فَاِنْ شَہِدُوْا فَاَمْسِکُوْہُنَّ فِی الْبُیُوْتِ حَتّٰی یَتَوَفّٰہُنَّ الْمَوْتُ اَوْ یَجْعَلَ اللّٰہُ لَہُنَّ سَبِیْلاً } (النساء : ١٥) تو شروع میں زانیہ عورت کی یہی سزا تھی کہ اس کو گھر میں روک دیا جائے یہاں تک کہ وہ مرجائے یا اللہ تعالیٰ اس کے لیے کوئی راستہ نکال دے۔
پھر جناب رسول اللہ (صلی اللہ علیہ وآلہ وسلم) کے اس ارشاد سے جس کا تذکرہ عبادہ بن صامت (رض) والی روایت میں موجود ہے یہ حکم منسوخ ہوگیا کہ آپ (صلی اللہ علیہ وآلہ وسلم) نے فرمایا یا اللہ تعالیٰ نے وہ راستہ مقرر کردیا تو گویا جس سبیل کا اس آیت شریفہ میں وعدہ تھا اللہ تعالیٰ نے وہ اپنے پیغمبر (صلی اللہ علیہ وآلہ وسلم) کی زبان سے بیان کردیا اور اس سلسلے میں شادی شدہ پر کوڑے اور رجم اور کنوارے پر کوڑے اور جلاوطنی مقرر فرمائی۔
تو اب اس سے معلوم ہوگیا کہ آپ (صلی اللہ علیہ وآلہ وسلم) کا یہ ارشاد اس آیت کے نزول کے بعد کا ہے اور نزول آیت سے پہلے کا نہیں۔ کیونکہ آیت میں مذکور سزا حبس دوام فی البیوت تھا اور ارشاد میں زانی پر رجم کو لازم کیا گیا ہے۔
اور آیت : او یجعل اللہ لھن سبیلا اور حدیث عبادہ کے درمیان اور کوئی حکم موجود نہیں پس اس سے ہمیں معلوم ہوگیا کہ حدیث عبادہ آیت کے نزول کے بعد ہے اور ماعز (رض) والی روایت جس میں جناب رسول اللہ (صلی اللہ علیہ وآلہ وسلم) نے ان کے متعلق دریافت کیا کہ شادی شدہ ہیں یا غیر شادی شدہ۔ کیونکہ دونوں کے درمیان حکم میں فرق ہے اور روایت ابوہریرہ (رض) اور زید بن خالد جہنی (رض) میں جناب رسول اللہ (صلی اللہ علیہ وآلہ وسلم) نے کنوارے اور شادی شدہ میں فرق کیا ہے پس کنوارے جوڑے پر سو کوڑے اور ایک سال کی جلا وطنی مقرر کی گئی اور شادی شدہ پر سنگساری۔ یہ روایات اس سے متاخر ہیں پس یہ اس کے لیے ناسخ قرار پائیں گی کیونکہ آپ (صلی اللہ علیہ وآلہ وسلم) کا جو حکم مقدم ہے بعد والا حکم اس کو منسوخ کرنے والا ہے۔
نوٹ : پس ہم نے جو روایات ابوہریرہ (رض) ‘ زید بن خالد اور حدیث ماعز (رض) پیش کی ہیں۔ یہ عبادہ (رض) سے اولیٰ ہیں اور لفظ و فکر صحیح بھی ان روایات کی مؤید ہے۔
نظر طحاوی (رح) :
وہ سزائیں جو عزتوں کو برباد کرنے کی صورت میں مقرر کی گئی ہیں وہ ایک چیز ہے مثلاً ان میں ایک سزا چور کی ہے۔ چور کی سزا میں صرف قطع ید ہے اور کچھ نہیں۔ بہتان تراش پر صرف کوڑے ہیں (اسی کوڑے)
پس نظر کا تقاضا یہ ہے کہ زانی محصن کی سزا میں صرف ایک چیز ہو۔ نہ کچھ اور پس اس پر متفق علیہ سزا رجم ہی ہوگی اور کوڑوں پر اتفاق نہ ہونے کی وجہ سے اس کی نفی کی جائے گی۔
یہی قول امام ابوحنیفہ ‘ ابو یوسف ‘ محمد (رح) کا ہے۔
سوال : اس حکم کے منسوخ ہونے کا دعویٰ درست نہیں جبکہ حضرت علی (رض) نے اس پر آپ (صلی اللہ علیہ وآلہ وسلم) کے بعد عمل کیا۔ روایات ملاحظہ ہوں۔