٤٧٦٠: ابو سلمہ بن عبدالرحمن نے جابر بن عبداللہ انصاری (رض) سے روایت کیا کہ ایک شخص جس کا تعلق قبیلہ اسلم سے تھا جناب رسول اللہ (صلی اللہ علیہ وآلہ وسلم) کی خدمت میں آیا آپ اس وقت مسجد میں تشریف فرما تھے اس نے آپ کو آواز دی اور آپ کے سامنے بیان کیا کہ اس سے زنا کا ارتکاب ہوا ہے۔ جناب رسول اللہ (صلی اللہ علیہ وآلہ وسلم) نے اس سے منہ پھیرلیا وہ ادھر سے ہٹ کر اس طرف گیا جدھر آپ (صلی اللہ علیہ وآلہ وسلم) نے رخ فرمایا تھا اور بتایا کہ اس نے زنا کا ارتکاب کیا۔ اس نے اپنے متعلق چار مرتبہ گواہی دی جناب رسول اللہ (صلی اللہ علیہ وآلہ وسلم) نے اس کو بلایا اور فرمایا کیا تم پاگل ہو ؟ اس نے کہا نہیں۔ فرمایا کیا تم شادی شدہ ہو۔ اس نے کہا جی ہاں۔ تو جناب رسول اللہ (صلی اللہ علیہ وآلہ وسلم) نے اس کو عید گاہ میں رجم کا حکم فرمایا۔ جب اس پر پتھر پڑنے لگے تو وہ بھاگ نکلا یہاں تک کہ پتھریلی زمین میں پکڑا گیا اور رجم کے طور پر ہلاک کیا گیا۔
تخریج : بخاری فی الطلاق باب ١١‘ والحدود باب ٢٩۔
لغات : جمز۔ تیزی سے بھاگا۔ اذلقتہ۔ پہنچے۔