٤٧٦٤: عبدالرحمن بن ہضاض نے ابوہریرہ (رض) سے روایت کی ہے کہ ماعز بن مالک نے زنا کیا پھر وہ ہزال کے پاس آئے اور کہنے لگے کہ میں نے زنا کیا ہے حضرت ہزال (رض) نے کہا تو جناب نبی اکرم (صلی اللہ علیہ وآلہ وسلم) کی خدمت میں حاضر ہو کر آپ کو اطلاع دو اس سے پہلے کہ تمہارے متعلق قرآن مجید کی کوئی آیت اترے۔ پس ماعز (رض) جناب نبی اکرم (صلی اللہ علیہ وآلہ وسلم) کی خدمت میں آیا اور کہنے لگا میں نے زنا کیا۔ آپ (صلی اللہ علیہ وآلہ وسلم) نے اس سے اعراض کیا۔ یہاں تک کہ اس نے چار مرتبہ اقرار کیا۔ پھر آپ نے اس کو رجم کا حکم دیا پس ان کو رجم کردیا گیا۔
تخریج : ابو داؤد فی الحدود باب ٧‘ ترمذی فی الحدود باب ٨‘ مالک فی الحدود ٣‘ مسند احمد ٥‘ ٢١٦؍٢١٧۔