٤٧٧١: قتادہ سے دریافت کیا گیا کہ جو شخص اپنی بیوی کی لونڈی سے زنا کرے اس کا کیا حکم ہے تو انھوں نے یہ روایت بیان کی کہ ہمیں حبیب بن یساف نے حبیب بن سالم سے روایت کی ہے کہ وہ عورت اپنا مقدمہ نعمان بن بشیر کی خدمت میں لے گئی تو انھوں نے فرمایا۔ میں اس کے متعلق وہی فیصلہ کروں گا جو جناب رسول اللہ (صلی اللہ علیہ وآلہ وسلم) نے کیا۔ اگر اس عورت نے اس کو خاوند کے لیے حلال کردیا تھا تو میں اس کو سو کوڑے ماروں گا اور اگر اس نے اس کے لیے حلال نہیں کیا تو میں اس کو سنگسار کروں گا۔ اس روایت میں پہلی روایت کے خلاف ہے کیونکہ اس میں مذکور ہے اگر اس نے اس کو اجازت نہیں دی تو رجم کیا جائے گا۔ اس روایت میں پہلی روایت کے خلاف ہے کیونکہ اس میں مذکور ہے اگر اس نے اس کو اجازت نہیں دی تو رجم کیا جائے گا اور وہاں یہ قول (وان کنت اذنت لہ جلدناہ مائۃ) یہ سو کوڑے ہمارے ہاں تعزیر ہے۔ گویا انھوں نے اس سے وطی بالشبہ کے سبب حد سے اس کو بچانے کی کوشش کی کہ شبہہ سے حد ساقط ہوجاتی ہے اور حرام جگہ سواری کی وجہ سے اس کو سزا دی۔ اگر کوئی اعتراض کرے کہ کیا سو کوڑے بطور تعزیر لگائے جاسکتے ہیں (جبکہ تعزیر حد سے کم ہوتی ہے) تو اس کو کہا جائے گا جی ہاں ! سو کوڑے بطور تعزیر درست ہیں اس لیے کہ جناب رسول اللہ (صلی اللہ علیہ وآلہ وسلم) نے سو کوڑے بطور تعزیر لگوائے جیسا کہ اس روایت میں موجود ہے کہ جس نے اپنے غلام کو جان بوجھ کر قتل کردیا تھا (باب حدالبکر۔ طحاوی) یہ روایت جس کو نعمان (رض) نے ذکر کیا ہے وہ سلمہ بن محبق (رض) کی روایت کی ناسخ ہے (عندنا) اس کی وجہ یہ ہے کہ ابتداء اسلام میں بعض گناہوں کی مالی سزا واجب ہوتی تھی اور مال کو تباہ کرنے کی صورت میں جسمانی سزا لازم ہوتی تھی۔ باب تحریم الصدقۃ علی بنی ہاشم میں زکوۃ نہ دینے والے کے متعلق جناب رسول اللہ (صلی اللہ علیہ وآلہ وسلم) کا قول میں اس سے زکوۃ لوں گا اور اس کے مال کا ایک حصہ بطور سزا اس سے لیا جائے گا۔ انا اخذوھا منہ وشطر مالہ عقوبۃ لہ عاقد صنع “ (نسائی فی الزکوۃ باب ٧ مسنداحمد ٥‘ ٢؍٣) اسی قسم میں سے ہے۔ ان میں سے یہ روایات بھی ہیں۔
تشریح اور وہاں یہ قول (وان کنت اذنت لہ جلدناہ مائۃ) یہ سو کوڑے ہمارے ہاں تعزیر ہے۔ گویا انھوں نے اس سے وطی بالشبہ کے سبب حد سے اس کو بچانے کی کوشش کی کہ شبہہ سے حد ساقط ہوجاتی ہے اور حرام جگہ سواری کی وجہ سے اس کو سزا دی۔
سوال : کیا سو کوڑے بطور تعزیر لگائے جاسکتے ہیں (جبکہ تعزیر حد سے کم ہوتی ہے)
جواب : جی ہاں۔ سو کوڑے بطور تعزیر درست ہیں اس لیے کہ جناب رسول اللہ (صلی اللہ علیہ وآلہ وسلم) نے سو کوڑے بطور تعزیر لگوائے جیسا کہ اس روایت میں موجود جس نے اپنے غلام کو جان بوجھ کر قتل کردیا تھا (باب حدالبکر۔ طحاوی)
فریق اوّل کے مؤقف کا جواب : یہ روایت جس کو نعما (رض) نے ذکر کیا یہ وہ سلمہ بن محبق (رض) کی روایت کی ناسخ ہے (عندانا) اس کی وجہ یہ ہے کہ ابتداء اسلام میں بعض گناہوں کی مالی سزا واجب ہوتی تھی اور مال کو تباہ کرنے کی صورت میں جسمانی سزا لازم ہوتی تھی۔ باب تحریم الصدقۃ علی بنی ہاشم میں زکوۃ نہ دینے والے کے متعلق جناب رسول اللہ (صلی اللہ علیہ وآلہ وسلم) کا قول میں اس سے زکوۃ لوں گا اور اس کے مال کا ایک حصہ بطور سزا اس سے لیا جائے گا۔ انا اخذوھا منہ وشطر مالہ عقوبۃ لہ عاقد صنع “ (نسائی فی الزکوۃ باب ٧ مسنداحمد ٥‘ ٢؍٣) اسی قسم میں سے ہے۔