٤٨١٣: قتادہ نے انس (رض) سے روایت کی کہ جناب نبی اکرم (صلی اللہ علیہ وآلہ وسلم) نے شراب پینے والے کو کھجور کی چھڑی اور جوتے سے مارا اور ابوبکر (رض) نے چالیس کوڑے لگوائے۔ جب عمر (رض) خلیفہ بنے تو انھوں نے لوگوں کو بلایا اور سوال کیا کہ تم شرابی کی حد کتنی خیال کرتے ہو ؟ عبدالرحمن بن عوف (رض) نے کہا میری رائے میں اس کو بھی ہم حدود کی طرح کردیں اور اسی کوڑے اس میں مقرر کردیں۔ اگر عمر (رض) کو معلوم ہوتا جو کہ روایت ابو سعید (رض) میں ہم نے ذکر کیا کہ جناب رسول اللہ (صلی اللہ علیہ وآلہ وسلم) نے لوگوں کو شراب کی حد کے سلسلہ میں واقفیت کرائی ہے کہ وہ اسی کوڑے ہے تو عمر (رض) کو شوریٰ سے مشورہ کی ضرورت نہ تھی۔ لیکن آپ نے مشورہ کیا تاکہ لوگ اس سے ایک معلوم مقدار جان لیں اس سے زیادہ اور کم کی طرف تجاوز نہ کرسکیں۔