٤٨٤٩: زہری نے عمرہ سے انھوں نے عائشہ (رض) سے روایت کی ہے کہ جناب رسول اللہ (صلی اللہ علیہ وآلہ وسلم) ربع دینار یا اس سے زائد میں ہاتھ کاٹتے تھے۔ تو ان سے کہا جائے گا یہ بھی دلیل نہیں بن سکتی جو اس طرف گئے ہیں کہ دس درہم میں ہاتھ کاٹا جائے گا کیونکہ حضرت عائشہ صدیقہ (رض) نے بتلایا جس میں جناب رسول اللہ (صلی اللہ علیہ وآلہ وسلم) نے ہاتھ کاٹا پس اس میں یہ احتمال ہے کہ انھوں نے ڈھال یا چیز کی قیمت چوتھائی دینار لگائی ان کے ہاں اس کی قیمت یہی تھی۔ اس لیے انھوں نے اسی کو ہاتھ کاٹنے کی مقدار قرار دیا۔
تخریج : مسلم فی الحدود ١‘ ابو داؤد فی الحدود باب ١٢‘ ترمذی فی الحدود باب ١٦‘ نسائی فی السارق باب ٩؍١٠‘ مسند احمد ٦؍٣٦۔