٤٨٦١: عبداللہ بن ابی بکر عن عمرہ وہ کہتی ہیں کہ حضرت عائشہ (رض) نے فرمایا کہ ہاتھ کاٹنا ربع دینار اور اس سے زائد میں ہے۔ زریق بن حکیم نے عمرہ سے ابوبکر کے خلاف اور عبداللہ بن ابی بکر ‘ یحییٰ ‘ عبد ربہ کی روایت کے موافق روایت کی ہے۔ پس اگر کثرت روات کے اعتبار سے دیکھیں تو عمرہ سے ابوبکر بن محمد کے خلاف روایت کرنے والوں کی تعداد بہت زیادہ ہے اور اگر رواۃ میں اتقان و حفظ کا لحاظ کرتے ہو تو تب بھی یحییٰ و عبد ربہ جیسا حافظہ و پختگی ابوبکر بن محمد وغیرہ میں نہیں پائی جاتی۔
نوٹ : پس حاصل یہ ہوا کہ ابوبکر کی روایت کے مقابلہ میں یہ روایات بہرحال پختہ ہیں انہی کو لیا جائے گا۔
ایک اور سند سے ثبوت :
اس روایت کو ابو سلمہ بن عبدالرحمن وغیرہ نے عمرہ سے اسی طرح روایت کیا ہے جیسا کہ ابوبکر بن محمد نے روایت کی ہے۔ ملاحظہ ہو۔