٤٨٦٨: محمد بن عبدالرحمن بن ثوبان نے ابوہریرہ (رض) سے روایت کی ہے کہ ایک چور خدمت نبوی (صلی اللہ علیہ وآلہ وسلم) میں لایا گیا تو انھوں نے کہا یارسول اللہ (صلی اللہ علیہ وآلہ وسلم) ! اس نے چوری کی ہے آپ نے فرمایا میرے خیال میں تو اس نے چوری نہیں کی۔ چور کہنے لگا۔ کیوں نہیں یارسول اللہ (صلی اللہ علیہ وآلہ وسلم) ! آپ نے فرمایا اس کو لے جا کر اس کا ہاتھ کاٹ دو ۔ پھر اس کو ابلتے تیل میں ڈال دو (تاکہ خون بہنے سے وہ ہلاک نہ ہوجائے) پھر اس کو میرے پاس لاؤ۔ ابوہریرہ (رض) کہتے ہیں اس کو لے جا کر اس کا ہاتھ کاٹ دیا گیا پھر داغا گیا پھر اس کو آپ کی خدمت میں لایا گیا تو آپ نے فرمایا اللہ تعالیٰ کی بارگاہ میں توبہ کرو۔ تو اس نے کہا میں اللہ تعالیٰ کی بارگاہ میں توبہ کرتا ہوں۔ آپ نے دعا فرمائی اللہ تعالیٰ تمہاری توبہ کو قبول فرمائے۔
تخریج : نسائی فی السارق باب ٣‘ دارمی فی الحدود باب ٦۔
لغات : مااخالہ۔ میں خیال نہیں کرتا۔ احسموہ گرم تیل سے داغو۔