٤٨٨٧: سفیان بن ابی عوجاء نے ابو شریح خزاعی (رض) سے نقل کیا کہ جناب رسول اللہ (صلی اللہ علیہ وآلہ وسلم) نے فرمایا جو شخص قتل ہوجائے یا اس کو زخم پہنچے ۔ الخبل سے زخم مراد ہے۔ اس کے اولیاء کو تین باتوں میں سے ایک کا اختیار ہے۔ معاف کر دے۔ بدلہ لے۔ دیت وصول کرے۔ اگر وہ کوئی چوتھی بات اختیار کرے تو اس کا ہاتھ پکڑ لو یعنی منع کرو۔ اگر وہ ان تین باتوں میں ایک بات قبول کرنے کے بعد زیادتی کرے تو اس کے لیے جہنم ہے۔ اس میں وہ ہمیشہ ہمیش رہے گا۔
تخریج : ابو داؤد فی الدیات باب ٣‘ ابن ماجہ فی الدیات باب ٣‘ دارمی فی الدیات باب ١‘ بمثلہ۔
لغات : الخبل۔ زخم۔