٤٩٦٣: حضرت سعید بن المسیب نے ابوہریرہ (رض) سے روایت نقل کی ہے کہ جناب رسول اللہ (صلی اللہ علیہ وآلہ وسلم) نے بنو لحیان کی ایک عورت کے جنین کے بارے میں جو گرگیا ایک غلام یا لونڈی کا فیصلہ فرمایا اور وہ عورت بھی مرگئی تو آپ نے فیصلہ فرمایا کہ اس کی وراثت اس کے بیٹوں اور خاوند کو ملے گی اور اس کی دیت (قاتلہ کے) رشتہ داروں کے ذمہ ہوگی۔
تخریج : بخاری فی الفرائض باب ١١‘ مسلم فی القسامۃ ٣٥‘ ابو داؤد فی الدیات باب ١٩‘ ترمذی فی الفرائض باب ١٩‘ نسائی فی القسامۃ باب ٤٠؍٤١‘ ابن ماجہ فی الدیات باب ١٥‘ مسند احمد ٢؍٥٣٩۔
لغات : غرۃ۔ عمدہ مال۔ گھوڑا ‘ اونٹ ‘ غلام ‘ لونڈی۔ العقل۔ تاوان۔ الجنین۔ پیٹ کا حمل۔