٥٠٠١: نعمان بن عمرو بن اوس نے بتلایا کہ میرے والد نے مجھے خبر دی کہ ہم جناب رسول اللہ (صلی اللہ علیہ وآلہ وسلم) کی خدمت میں صفہ میں بیٹھے تھے۔ آپ ہمیں واقعات سنا رہے اور نصیحت فرما رہے تھے کہ ایک آدمی آپ کی خدمت میں حاضر ہوا اور آپ سے سرگوشی کرنے لگا آپ نے فرمایا اسے لے جا کر قتل کر دو ۔ جب وہ آدمی پیٹھ پھیر کر چل دیا تو جناب رسول اللہ (صلی اللہ علیہ وآلہ وسلم) نے اس کو بلایا اور فرمایا کیا تم لاالٰہ الا اللہ کی گواہی نہیں دیتے اس نے نعم سے جواب دیا۔ تو جناب رسول اللہ (صلی اللہ علیہ وآلہ وسلم) نے فرمایا جاؤ۔ اس کا راستہ چھوڑ دو ۔ مجھے حکم ہے کہ میں لوگوں کے لاالٰہ الا اللہ کہنے تک لوگوں سے لڑوں ! پھر ان کے خون اور اموال حق کے علاوہ حرام کردیئے گئے۔
تخریج : بنحوہ نسائی فی التحریم باب ١‘ ابن ماجہ فی الفتن باب ١‘ دارمی فی السیر باب ١٠‘ مالک فی السفر ٨٤۔