٥٠١٢: عبداللہ بن سلمہ نے صفوان بن عسال (رض) سے روایت کی کہ ایک یہودی نے اپنے دوست کو کہا۔ آؤ ہم اس نبی سے کچھ سوالات کریں۔ دوسرے یہودی نے کہا۔ اس کو نبی مت کہو اس نے اگر سن پایا تو اس کو چار آنکھیں لگ جائیں گی۔ وہ یہودی آپ کی خدمت میں آیا اور اس نے اس آیت کے متعلق سوال کیا : ” ولقد اتینا موسیٰ تسع آیات بینات “ (الاسراء : ١٠١) آپ (صلی اللہ علیہ وآلہ وسلم) نے اس کے جواب میں فرمایا : ! ایک اللہ تعالیٰ کے ساتھ کسی چیز کو شریک مت ٹھہراؤ۔ " اور اس نفس کو مت قتل کرو جس کو اللہ تعالیٰ نے حق کے بغیر حرام کیا۔ 3 فضول خرچی مت کرو۔ $زنا نہ کرو۔ %جادو مت کرو۔ & سود مت کھاؤ ۔ ' کسی بری الذمہ کو بادشاہ کے پاس مت لے جاؤ کہ وہ اسے قتل کر دے۔ (پاک دامنہ پر تہمت مت لگاؤ۔ ): میدانِ جنگ سے مت بھاگو اور خاص طور پر یہود کے لیے یہ بھی لازم کیا گیا کہ *ہفتہ کے معاملہ میں حد سے مت گزرا۔ راوی کہتا ہے وہ یہودی (سوال کا جواب سن کر) آپ کے ہاتھ چومنے لگا اور دونوں کہنے لگے ہم گواہی دیتے ہیں کہ آپ نبی ہیں۔ آپ نے فرمایا۔ تمہیں میری پیروی سے کون سی چیز مانع ہے۔ انھوں نے کہا داؤد (علیہ السلام) نے دعا کی تھی کہ ان کی اولاد میں ایک نبی ہوگا اور ہمیں ڈر یہ ہے کہ اگر ہم آپ کی اتباع کریں گے تو یہود ہمیں قتل کردیں گے۔
تخریج : ترمذی فی الاستیذان باب ٣٣‘ تفسیر سورة ١٧‘ باب ١٥‘ مسند احمد ٤؍٢٣٩۔
امام طحاوی (رح) کا ارشاد : اس روایت سے معلوم ہوا کہ یہود آپ کی رسالت کا بھی اقرار کرتے تھے اور اس کے ساتھ وہ موحد بھی تھے۔ جناب رسول اللہ (صلی اللہ علیہ وآلہ وسلم) نے ان سے اس وقت تک قتال نہ کیا جب تک کہ انھوں نے ان تمام باتوں کا اقرار کیا جن کا اقرار مسلمان کرتے تھے۔ اس سے یہ بات ثابت ہوگئی کہ وہ فقط اس اقرار سے مسلمان نہ بنے تھے اور یہ بھی ثابت ہوا کہ اسلام ایسے مقاصد کو مان لینے کا نام ہے جو اسلام پر دلالت کرتے ہوں اور تمام ملتوں کو ترک کرنے پر دلالت کرتے ہوں اور یہ بات ہم انس بن مالک (رض) کی روایت کی بنا پر کہتے ہیں۔