٥٠٢: علی بن ربیعہ نے علی بن ابی طالب (رض) سے نقل کیا کہ کہ جناب نبی اکرم (صلی اللہ علیہ وآلہ وسلم) نے مسح علی الخفین میں مقیم کے لیے ایک دن رات اور مسافر کے لیے تین دن رات مقرر فرمائے ہیں۔ جناب رسول اللہ (صلی اللہ علیہ وآلہ وسلم) سے یہ روایت تواتر کے ساتھ مسافر کے لیے تین دن رات اور مقیم کے لیے ایک دن رات کا وقت ثابت کر رہے ہیں پس ان روایات متواترہ کو ترک کر کے ابن ابی عمار (رض) کی طرف رجوع درست نہیں۔ حضرت عقبہ (رض) کی حضرت عمر (رض) سے منقولہ روایت کے برعکس حضرت عمر (رض) سے متواتر آثار توقیت مسح کے منقول ہیں۔ ملاحظہ فرمائیں۔
تخریج : مسلم فی الطھارۃ نمبر ٨٥‘ نسائی فی الطھارۃ باب ٩٨‘ بیہقی فی السنن الکبرٰی ١؍٢٧٢‘ مصنف عبدالرزاق ٧٨٩‘ مسند احمد ١؍٩٦‘
حاصل روایات :
یہ تئیس روایات اس بات کو ثابت کر رہی ہیں کہ مسافر کے لیے موزوں کی مدت مسح تین دن رات اور مقیم کے لیے ایک دن رات ہے۔
امام طحاوی (رح) فرماتے ہیں :
اب ان روایات متواترہ کو چھوڑ کر حدیث ابی بن عمارہ کی طرف جانا درست نہیں اور عقبہ بن عامر (رض) کی روایت میں حضرت عمر (رض) کے ارشاد سے استدلال بھی درست نہیں کیونکہ خود ان کے بہت سے اقوال اس کے خلاف موجود ہیں۔
ملاحظہ فرمائیں :