٥٠٣٤: عبدالحمید بن جعفر نے اپنے والد سے انھوں نے سمرہ بن جندب (رض) سے روایت کی ہے کہ میری والدہ بنو فزارہ کی ایک نہایت خوبصورت خاتون تھیں وہ سمرہ کو لے کر مدینہ طیبہ آگئیں اس وقت سمرہ ابھی بچے تھے۔ ان کی والدہ کو نکاح کے لیے بہت پیغام آئے تو وہ یہی کہتی تھیں میں تو اس سے نکاح کروں گی جو اس بچے کی پرورش کرے گا تو ایک شخص نے اس شرط کو قبول کرلیا اور ان سے نکاح کرلیا جب جناب رسول اللہ (صلی اللہ علیہ وآلہ وسلم) نے انصار کے بچوں کے لیے وظیفہ مقرر فرمایا اور ان کے لیے مقرر نہ فرمایا۔ گویا ان کو کمزور سمجھا گیا تو انھوں نے عرض کیا یارسول اللہ (صلی اللہ علیہ وآلہ وسلم) آپ نے فلاں بچے کا وظیفہ مقرر فرمایا اور میرے لیے مقرر نہیں فرمایا میں اس کو کشتی میں پچھاڑ سکتا ہوں آپ نے فرمایا اس کو پچھاڑو۔ میں نے اس بچے کو پچھاڑ دیا چنانچہ جناب رسول اللہ (صلی اللہ علیہ وآلہ وسلم) نے میرے لیے بھی وظیفہ مقرر فرما دیا۔ جب جناب رسول اللہ (صلی اللہ علیہ وآلہ وسلم) نے حضرت سمرہ (رض) کا وظیفہ اس وقت مقرر فرمایا جب انھوں نے انصاری بچے سے کشتی کر کے اس کو پچھاڑ دیا وظیفہ اس لیے مقرر نہیں فرمایا کہ وہ بالغ ہوچکے تھے بلکہ قوت کے مظاہرہ کی وجہ سے بالکل حضرت ابن عمر (رض) کے معاملے میں بھی اسی بات کا احتمال ہے کہ جب آپ نے ان کی قوت کو ملاحظہ فرمایا تو اجازت دے دی بلوغت کی وجہ سے نہیں اور جب ان کو واپس لوٹایا تو کمزوری ملاحظہ کی تب واپس کیا عدم بلوغ کی وجہ سے نہیں۔ پس اس گفتگو سے ثابت ہوگیا کہ اس روایت میں امام ابو یوسف (رح) کے مؤقف کی کوئی دلیل نہیں۔ کیونکہ اس میں امام ابوحنیفہ (رح) کی کہی ہوئی بات کا احتمال ہے امام صاحب کو اس بات سے قطعاً انکار نہیں ہے۔ کہ جب بچے لڑنے کے قابل ہوجائیں تو ان کا حصہ مقرر کیا جائے اور ان کو لڑائی میں شریک کیا جائے خواہ وہ بالغ نہ ہوں۔ اس کی تائید اس بات سے بھی ہوتی ہے کہ حضرت براء بن عازب (رض) نے ابن عمر (رض) کے معاملے میں جو بات خود ابن عمر (رض) نے نقل کی اس کے خلاف بات نقل کی ہے۔
جب جناب رسول اللہ (صلی اللہ علیہ وآلہ وسلم) نے حضرت سمرہ (رض) کا وظیفہ اس وقت مقرر فرمایا جب انھوں نے انصاری بچے سے کشتی کر کے اس کو پچھاڑ دیا وظیفہ اس لیے مقرر نہیں فرمایا کہ وہ بالغ ہوچکے تھے بلکہ قوت کے مظاہرہ کی وجہ سے بالکل حضرت ابن عمر (رض) کے معاملے میں بھی اسی بات کا احتمال ہے کہ جب آپ نے ان کی قوت کو ملاحظہ فرمایا تو اجازت دے دی بلوغت کی وجہ سے نہیں اور جب ان کو واپس لوٹایا تو کمزوری ملاحظہ کی تب واپس کیا عدم بلوغ کی وجہ سے نہیں۔
پس اس گفتگو سے ثابت ہوگیا کہ اس روایت میں امام ابو یوسف (رح) کے مؤقف کی کوئی دلیل نہیں۔ کیونکہ اس میں امام ابوحنیفہ (رح) کی کہ ہوئی بات کا احتمال ہے امام صاحب کو اس بات سے قطعاً انکار نہیں ہے۔ کہ جب بچے لڑنے کے قابل ہوجائیں تو ان کا حصہ مقرر کیا جائے اور ان کو لڑائی میں شریک کیا جائے خواہ وہ بالغ نہ ہوں۔ اس کی تائید اس بات سے بھی ہوتی ہے کہ حضرت براء بن عازب (رض) نے ابن عمر (رض) کے معاملے میں جو بات خود ابن عمر (رض) سے نقل کی اس کے خلاف بات نقل کی ہے۔