٥٠٥١: مرقع بن صیفی نے اپنے دادا رباح بن حنظلہ الکاتب سے نقل کیا کہ میں جناب رسول اللہ (صلی اللہ علیہ وآلہ وسلم) کے ساتھ ایک غزوہ میں گیا اس لشکر کے مقدمہ پر خالد بن ولید مقرر تھے۔ آپ (صلی اللہ علیہ وآلہ وسلم) اپنی اونٹنی پر سوار ہو کر ان سے جا ملے وہاں صحابہ کرام ایک مقتولہ عورت کو دیکھ رہے تھے انھوں نے اس کی طرف جانے کے لیے آپ کا راستہ خالی کردیا تو آپ نے خالد بن ولید (رض) کو پیغام بھیج کر عورتوں اور بچوں کے قتل سے منع کیا۔