٥٠٨٢: حضرت انس بن مالک (رض) بیان کرتے ہیں کہ حضرت انس (رض) کے بھائی براء بن مالک (رض) نے مرزبان ضرارہ سے مقابلہ کیا۔ انھوں نے اس کو ایک نیزہ مارا جو زین کی اگلی جانب کو توڑتا ہوا اس کو جا لگا جس سے وہ ہلاک ہوگیا اس کے سامان کی قیمت تیس ہزار لگی۔ جب ہم صبح کی نماز پڑھ چکے تو ہمارے پاس حضرت عمر (رض) آئے اور حضرت ابو طلحہ (رض) کو کہنے لگے۔ ہم مقتول کے سامان کا خمس نہیں لیا کرتے مگر براء کا سامان ایک بڑی مقدار مال کو پہنچ گیا ہے ہمارا خیال ہے کہ اس کا خمس لیں ہم نے اس کی قیمت کا اندازہ تیس ہزار لگایا۔ پس ہم نے چھ ہزار حضرت عمر (رض) کو دے دیا۔ یہ عمر (رض) فرما رہے ہیں ہم سامان مقتول کا خمس نہیں لیتے۔ پھر براء (رض) کے سامان سے خمس وصول کیا۔ اس سے یہ ثابت ہوگیا کہ سامان مقتول کا خمس نہ تھا اور وہ خمس لے بھی سکتے تھے کیونکہ وہ سامان قاتلین کو دینا لازم نہ تھا کہ اس میں کسی اور لشکری کو شریک نہ کیا جائے۔ حالانکہ صرف حضرت عمر (رض) بھی حنین کے روز جب ” من قتل قتیلا فلہ سلبہ “ فرمایا گیا موجود تھے۔ تو ان کے نزدیک اس ارشاد کا مطلب یہ نہیں تھا کہ یہ فقط حنین کی لڑائی کے لیے ہے اور حضرت ابو طلحہ (رض) خود حنین میں موجود تھے اور جناب رسول اللہ (صلی اللہ علیہ وآلہ وسلم) نے ان کے لیے ان تمام مقتولین کے سامان کا فیصلہ فرمایا۔ جو ان کے ہاتھ سے مارے گئے تھے۔ وہ سامان ان کے ہاں لازم نہ تھا۔ بخلاف اس کے جس کا ارادہ فاروق (رض) نے مرزبان کے سامان میں کیا اور غزوہ حنین میں تو حضرت انس (رض) خود موجود تھے۔ جناب رسول اللہ (صلی اللہ علیہ وآلہ وسلم) نے جو حنین کے روز فرمایا اور حضرت عمر (رض) سے جو براء (رض) کے دن پیش آیا وہ ان کے ہاں بھی اس ارشاد کے خلاف تھا۔ پس ان اصحاب رسول اللہ (صلی اللہ علیہ وآلہ وسلم) نے یوم حنین والے ارشاد ” من قتل قتیلا فلہ سلبہ “ کو یوم بدر والے حکم کا ناسخ قرار نہیں دیا۔