٥٠٨٨: عکرمہ حضرت ابن عباس (رض) سے روایت کرتے ہیں کہ جب بدر کا دن آیا جناب رسول اللہ (صلی اللہ علیہ وآلہ وسلم) نے فرمایا جس نے اس طرح کیا اس کو یہ یہ ملے گا۔ تو جو ان آگے نکل گئے اور بوڑھے جھنڈوں کے نیچے بیٹھے رہے۔ جب غنیمت کا مال آیا تو نوجوان اپنا اضافی حصہ طلب کرنے لگے۔ بوڑھوں نے کہا تمہیں ہم پر ترجیح حاصل نہیں ہے۔ ہم جھنڈوں کے نیچے تھے اگر تمہیں (خدانخواستہ) شکست ہوتی تو ہم تمہارے لیے پشت پناہ تھے۔ پس اللہ تعالیٰ نے یہ آیت اتار دی ” یسئلونک عن الانفال تا کما اخرجک ربک من بیتک بالحق وان فریقا من المؤمنین لکارہون “ (الانفال ٥) آپ نے پہلی پانچ آیات پڑھ کر سنائیں اور فرمایا تم اس معاملے میں میری بات مانو جیسا کہ تم میری کہی ہوئی بات کا انجام دیکھ چکے ہو۔ جبکہ تم گھر سے اس حال میں نکلے کہ تم (لڑائی کو) ناپسند کرتے تھے۔ پس آپ (صلی اللہ علیہ وآلہ وسلم) نے ان کے مابین برابر تقسیم کردیا۔ اس روایت میں جناب رسول اللہ (صلی اللہ علیہ وآلہ وسلم) نے نوجوانوں سے اس چیز کو روک لیا جو بطور انعام ان کے لیے مقرر فرمائی تھی۔ یہ حدیث اس بات کی دلیل ہے مقتول کا سامان مجاہد کو دینا لازم نہیں۔ اگر ایسا تسلیم نہ کیا جائے تو آپ ان سے اس سامان کو نہ روکتے اور قاتلین کے علاوہ دوسروں کو نہ دیتے جو پیچھے جھنڈوں کی حفاظت میں مصروف تھے۔ آپ (صلی اللہ علیہ وآلہ وسلم) نے مقرر فرما کر پھر کیونکر عنایت نہیں فرمایا۔ آپ (صلی اللہ علیہ وآلہ وسلم) نے ان کے لیے جو مقرر فرمایا وہ اس طور پر مقرر فرمایا تھا کہ وہ کام تمام مسلمانوں کے لیے کریں اور جھنڈوں کا چھوڑ کر جانا اس میں عام مسلمانوں کے لیے بہتری نہ تھی۔ بلکہ اس سے حفاظت کرنے والوں کے ضائع ہونے کا خطرہ تھا۔ جب وہ اس سے نکل گئے تو استحقاق کی خصوصی وجہ جاتی رہی۔ اس سے جناب رسول اللہ (صلی اللہ علیہ وآلہ وسلم) نے اعلان کے باوجود ان کو عنایت نہ فرمایا۔ واللہ اعلم۔
اس روایت میں جناب رسول اللہ (صلی اللہ علیہ وآلہ وسلم) نے نوجوانوں سے اس چیز کو روک لیا جو بطور انعام ان کے لیے مقرر فرمائی تھی۔ یہ حدیث اس بات کی دلیل ہے مقتول کا سامان مجاہد کو دینا لازم نہیں۔ اگر ایسا تسلیم نہ کیا جائے تو آپ ان سے اس سامان کو نہ روکتے اور قاتلین کے علاوہ دوسروں کو نہ دیتے جو پیچھے جھنڈوں کی حفاظت میں مصروف تھے۔
ایک اعتراض :
آپ (صلی اللہ علیہ وآلہ وسلم) نے مقرر فرما کر پھر کیونکر عنایت نہیں فرمایا۔
جواب نمبر ١: آپ (صلی اللہ علیہ وآلہ وسلم) نے ان کے لیے جو مقرر فرمایا وہ اس طور پر مقرر فرمایا تھا کہ وہ کام تمام مسلمانوں کے لیے کریں اور جھنڈوں کا چھوڑ کر جانا اس میں عام مسلمانوں کے لیے بہتری نہ تھی۔ بلکہ اس سے حفاظت کرنے والوں کے ضائع ہونے کا خطرہ تھا۔ جب وہ اس سے نکل گئے تو استحقاق کی خصوصی وجہ جاتی رہی۔ اس سے جناب رسول اللہ (صلی اللہ علیہ وآلہ وسلم) نے اعلان کے باوجود ان کو عنایت نہ فرمایا۔ واللہ اعلم
نمبر 2: اس سے زیادہ آسان بات یہ ہے کہ وہ دینا ان کو واجب نہ تھا آپ کی مرضی پر موقوف تھا آپ نے ان کو دینا مناسب نہ سمجھا اس لیے نہیں دیا۔ (مترجم)