٥١٠٦: ابن سیرین روایت کرتے ہیں کہ حضرت انس بن مالک (رض) ایک لڑائی میں حضرت عبیداللہ بن ابی بکرہ (رض) کے ساتھ تھے۔ ان کو کچھ قیدی ملے۔ حضرت عبیداللہ (رض) نے ارادہ کیا کہ تقسیم سے پہلے ان میں سے کچھ حضرت انس (رض) کو دیں تو حضرت انس (رض) نے فرمایا کہ ایسا نہیں ہوسکتا۔ تم پہلے تقسیم کرو پھر مجھے دو ۔ راوی فرماتے ہیں حضرت عبیداللہ نے فرمایا نہیں میں تو پورے مال غنیمت میں سے دوں گا۔ لیکن حضرت انس (رض) نے لینے سے انکار کردیا اور حضرت عبیداللہ نے خمس میں سے کچھ دینے سے انکار کردیا۔