٥١١٢: حبیب بن ابی ملیکہ روایت کرتے ہیں کہ میں ابن عمر (رض) کے پہلو میں بیٹھا تھا کہ ان کے پاس ایک آدمی آ کر دریافت کرنے لگا۔ کیا حضرت عثمان (رض) بدر میں شریک تھے ؟
انھوں نے جواب دیا نہیں۔ لیکن جناب رسول اللہ (صلی اللہ علیہ وآلہ وسلم) نے بدر کے دن فرمایا عثمان اللہ اور اس کے رسول کے کام میں مصروف ہے۔ پس آپ (صلی اللہ علیہ وآلہ وسلم) نے ان کا حصہ مقرر فرمایا۔ ان کے علاوہ کسی غائب رہنے والے کا حصہ مقرر نہیں فرمایا۔
تخریج : ابو داؤد فی الجہاد باب ١٤٠۔